ಹೊಸದಿಲ್ಲಿ: ಕಾಂಗ್ರೆಸ್‌ ಅಧ್ಯಕ್ಷೆ ಸೋನಿಯಾ ಗಾಂಧಿಯವರ ಜತೆ ಪಕ್ಷದ ಹಿರಿಯ ನಾಯಕ ಪ್ರಣಬ್‌ ಮುಖರ್ಜಿ ಅವರಿಗೆ ಹಿಂದಿನಿಂದಲೂ ಉತ್ತಮ ಸಂಬಂಧ ಇರಲಿಲ್ಲ ಎನ್ನುವುದು ರಾಜಕೀಯ ವಲಯದಲ್ಲಿ ಎಲ್ಲರಿಗೂ ತಿಳಿದ ಸಂಗತಿಯೇ ಆಗಿತ್ತು. ಅಂಥದ್ದೊಂದು ಘಳಿಗೆ ಸೋನಿಯಾ ಅವರ ಮರ್ಜಿ ಮೀರಿಯೂ ಅಂದಿನ ಶಿವಸೇನೆ ಪಕ್ಷದ ವರಿಷ್ಠ ಬಾಳಾ ಠಾಕ್ರೆಯವನ್ನು ಭೇಟಿಯಾಗಿದ್ದರು ಮುಖರ್ಜಿ. ಈ ಭೇಟಿ ಬಗ್ಗೆ ಸೋನಿಯಾ ಗಾಂಧಿಯರು ತೀರಾ ಬೇಸರ ಮಾಡಿಕೊಂಡಿದ್ದರು ಎನ್ನುವುದು ಇದೀಗ ತಮ್ಮ ಆತ್ಮಕಥೆಯ ಮೂರನೇ ಆವೃತ್ತಿ ಮೂಲಕ ತೆರೆದಿಟ್ಟಿದ್ದಾರೆ ಮಾಜಿ ರಾಷ್ಟ್ರಪತಿ ಪ್ರಣಬ್‌ ಮುಖರ್ಜಿ.
ಭೇಟಿ ಸಂದರ್ಭ: 2012ರ ರಾಷ್ಟ್ರಪತಿ ಚುನಾವಣೆ ಪೂರ್ವ ತಮ್ಮ ಒಮ್ಮತದ ಆಯ್ಕೆ ಹಾದಿ ಸುಲಭಗೊಳಿಸಿಕೊಳ್ಳುವ ಕಸರತ್ತಿನ ಭಾಗವಾಗಿ ಮುಖರ್ಜಿ ಅವರು, ಮುಂಬಯಿನ ಮಾತೋಶ್ರೀ ನಿವಾಸಕ್ಕೆ ತೆರಳಿ ಠಾಕ್ರೆಯವರನ್ನು ಭೇಟಿಯಾಗಿದ್ದರು.
ಯುಪಿಎ -2ರ ಭಾಗವಾಗಿದ್ದ ಎನ್‌ಸಿಪಿ ವರಿಷ್ಠ ಶರದ್‌ ಪವಾರ್‌ ಅವರ ಸಲಹೆ ಮೇರೆಗೆ ತಾವು ಅಂದು ಬಾಳಾ ಠಾಕ್ರೆಯವರನ್ನು ಭೇಟಿ ಮಾಡಿದ್ದಾಗಿ ಹೇಳಿಕೊಂಡಿದ್ದಾರೆ. ತಮ್ಮ ಅಂದಿನ ಭೇಟಿಯು ಯುಪಿಎ ಕೂಟದಲ್ಲಿ ಹೆಚ್ಚಿನ ಒಗ್ಗಟ್ಟು ಸಾಧಿಸಲು ನೆರವಾಯಿತು. ಅದಾಗಲೇ ಕೂಟದಿಂದ ಹೊರ ನಡೆದಿದ್ದ ತೃಣಮೂಲ ಕಾಂಗ್ರೆಸ್‌ನ ಮಮತಾ ಬ್ಯಾನರ್ಜಿಯವರನ್ನೂ ಸಮಾಧಾನ ಪಡಿಸಲು ತಮ್ಮ ಅಂದಿನ ಕ್ರಮಗಳು ಅನುಕೂಲಕ್ಕೆ ಒದಗಿದವು ಎಂದು ವಿವರಿಸಿದ್ದಾರೆ.
ಇದಾಗಿ , ಪಕ್ಷ ಸಿದ್ಧಾಂತ, ವೈಯಕ್ತಿಕ ವೈರುದ್ಧಗಳ ನಡುವೆಯೂ ಠಾಕ್ರೆಯವರು ರಾಷ್ಟ್ರಪತಿ ಚುನಾವಣೆಯಲ್ಲಿ ತಮ್ಮನ್ನು ಬೆಂಬಲಿಸಿದ ನಡೆಯನ್ನು ಪ್ರಣಬ್‌ ಮುಖರ್ಜಿ ಸ್ಮರಿಸಿದ್ದಾರೆ. ಅಂದು ಶಿವಸೇನೆ ಪಕ್ಷ ಎನ್‌ಡಿಎ ಭಾಗವಾಗಿದ್ದರೂ ಪ್ರತಿಬಣದ ಅಭ್ಯರ್ಥಿ ಮುಖರ್ಜಿಯವರನ್ನು ಬೆಂಬಲಿಸಿತ್ತು.
When Pranab riled Sonia Gandhi by meeting Bal Thackeray
NEW DELHI: Congress president Sonia Gandhi was upset with Pranab Mukherjee when he met late Shiv Sena leader Bal Thackeray despite being advised against it, the third volume of his autobiography has revealed.