ಮಗಳನ್ನೇ ರೇಪ್‌ ಮಾಡಲು ಯತ್ನಿಸಿದ ಪತಿಯನ್ನ, ಮಕ್ಕಳೊಂದಿಗೆ ಸೇರಿ ಕೊಂದ ಪತ್ನಿ!

ಲುಧಿಯಾನ: ಕೆಲವೊಂದು ಸಲ ಸಮಾಜದಲ್ಲಿ ಹೀಗೂ ನಡೆಯುತ್ತಾ ಅನ್ನೋ ಪ್ರಶ್ನೆ ಮೂಡುವಂತಹ ಘಟನೆಗಳು ನಡೆಯುತ್ತೆ. ಇದೀಗ ಲುಧಿಯಾನದಲ್ಲಿ ಪಾಪಿ ತಂದೆಯೊಬ್ಬ ತನ್ನ ಮಗಳನ್ನೇ ರೇಪ್‌ ಮಾಡಲು ಯತ್ನಿಸಿದ್ದಾನೆ. ಇದರಿಂದ ಕೋಪಗೊಂಡ ಪತ್ನಿ ಹಾಗೂ ಮಕ್ಕಳು ಆತನನ್ನ ಕೊಲೆ ಮಾಡಿದ್ದಾರೆ.

ಈ ಘಟನೆ ಪಂಜಾಬ್‌ನ ಲುಧಿಯಾನದ ಸುಂದರ್‌ ನಗರದಲ್ಲಿ ನಡೆದಿದ್ದು, 45 ವರ್ಷದ ರಾಜ್‌ ಕಿಶೋರ್‌ ಎಂಬಾತ ಮೊನ್ನೆ ಶನಿವಾರ ಮಧ್ಯರಾತ್ರಿ ಕಂಠಪೂರ್ತಿ ಕುಡಿದು ಮನೆಗೆ ಬಂದಿದ್ದಾನೆ. ಈ ವೇಳೆ ಮಲಗಿದ್ದ ತನ್ನ 15 ವರ್ಷದ ಮಗಳೊಂದಿಗೆ ಅನುಚಿತವಾಗಿ ವರ್ತಿಸಿದ್ದಾನೆ. ಪತ್ನಿ ಹಾಗೂ ಉಳಿದ ಮಕ್ಕಳಿಗೆ ಬೆದರಿಕೆ ಹಾಕಿ ರೇಪ್‌ಗೆ ಮುಂದಾಗಿದ್ದಾನೆ. ಇದರಿಂದ ಕೋಪಗೊಂಡ ಪತ್ನಿ ಅಲ್ಲೇ ಇದ್ದ ವಯರ್‌ನಿಂದ ಗಂಡನ ಕತ್ತಿಗೆ ಹಾಕಿ ಕೊಂದಿದ್ದಾಳೆ. ತಾಯಿಗೆ 20 ವರ್ಷದ ಮಗ ಹಾಗೂ ಸಂತ್ರಸ್ಥೆ ಬಾಲಕಿ ಸಹಾಯ ಮಾಡಿದ್ದಾರೆ.

ಘಟನೆ ಬಳಿಕ ತಾಯಿ, ಮಕ್ಕಳು ನೇರವಾಗಿ ದರೇಸಿ ಪೊಲೀಸ್‌ ಠಾಣೆಗೆ ತೆರಳಿದ್ದಾರೆ. ನಡೆದ ಘಟನೆ ಬಗ್ಗೆ ವಿವರಿಸಿದ್ದಾರೆ. ಸ್ಥಳಕ್ಕೆ ಭೇಟಿ ನೀಡಿದ ಪೊಲೀಸರು ತಾಯಿ ಹಾಗೂ ಇಬ್ಬರು ಮಕ್ಕಳನ್ನ ಕೊಲೆ ಪ್ರಕರಣದಡಿ ಅರೆಸ್ಟ್‌ ಮಾಡಿದ್ದಾರೆ.

ಕೊರೊನಾದಿಂದ ಹಿಂದೆ ಸರಿದ ಆಫೀಸ್‌ ಸಂಸ್ಕೃತಿ, ಇನ್ನೇನಿದ್ಗರೂ ಕೋವರ್ಕಿಂಗ್‌ ಸ್ಪೇಸ್‌!

ಮಲ ಮಗಳ ಮೇಲೆ ರೇಪ್‌!
ಈ ಹಿಂದೆ ಇದೇ ಭೂಪ 2014ರಲ್ಲಿ ತನ್ನ ಮಲ ಮಗಳ ಮೇಲೆ ಅತ್ಯಚಾರ ಮಾಡಿದ್ದ. ಹೀಗಾಗಿ 6 ತಿಂಗಳು ಸೆರೆಮನೆ ವಾಸ ಅನುಭವಿಸಿದ್ದ. ನಂತರ ಕುಟುಂಬಸ್ಥರ ನಡುವಿನ ಒಪ್ಪಂದದಿಂದ ಜೈಲಿನಿಂದ ಹೊರಬಂದಿದ್ದ. ಆದ್ರೆ ಆತ ಜೈಲಿನಿಂದ ಬರುತ್ತಿದ್ದಂತೆ. ಆಕೆ ಆತ್ಮಹತ್ಯೆ ಮಾಡಿಕೊಂಡಿದ್ದಳು. ಇನ್ನು ಮೂಲಗಳ ಪ್ರಕಾರ ರಾಜ್‌ ಕಿಶೋರ್‌ ಪತ್ನಿಯ ತಂಗಿಯ ಮೇಲೆಯೂ ಅತ್ಯಚಾರ ನಡೆಸಿದ್ದ ಎಂದು ತಿಳಿದುಬಂದಿದೆ.