ಕುಡುಕ ಪತಿಯನ್ನು ಸಜೀವ ದಹಿಸಿ, ಶರಣಾದ ಪತ್ನಿ

ಚೆನ್ನೈ: ಕುಡುಕ ಪತಿಯ ಕಾಟದಿಂದ ಬೇಸತ್ತು ಹೋಗಿದ್ದ ಪತ್ನಿಯೋರ್ವಳು ಬೆಂಕಿ ಹಚ್ಚಿ ಆತನನ್ನು ಜೀವಂತವಾಗಿ ಸುಟ್ಟು ಹಾಕಿದ ಘಟನೆ ತಮಿಳುನಾಡಿನಲ್ಲಿ ನಡೆದಿದೆ.

ಕೃತ್ಯದ ಬಳಿಕ ಆಕೆ ಪೊಲೀಸರಿಗೆ ಶರಣಾಗಿದ್ದಾಳೆ.

ಮದುರಂಟಕಂ ಪ್ರದೇಶದಲ್ಲಿ ಈ ಕೃತ್ಯ ನಡೆದಿದ್ದು, ಆರೋಪಿ ಮಹಿಳೆಯನ್ನು 45 ವರ್ಷದ ಮಲರ್ ಎಂದು ಗುರುತಿಸಲಾಗಿದೆ. ಆಕೆ ಅನೈಕುಂದರಂ ಗ್ರಾಮದ ನಿವಾಸಿಯಾಗಿದ್ದಾಳೆ.

ಮದುವೆಯಾದಾಗಿನಿಂದ ಪತಿ ಕನ್ನಿಯಪ್ಪನ ಹಿಂಸೆ ಸಹಿಸಿಕೊಳ್ಳುತ್ತಲೇ ಬಂದಿದ್ದೆ. ಶುಕ್ರವಾರ ದಿನ ನನಗೆ ಮನ ಬಂದಂತೆ ಥಳಿಸಿ, ಮನೆ ಮುಂದಿದ್ದ ಹೊಲದಲ್ಲಿ ಮಲಗಿದ್ದ. ಆತನ ಮೇಲೆ ಸೀಮೆಎಣ್ಣೆ ಸುರಿದು ಬೆಂಕಿ ಹಚ್ಚಿದೆ. ನಿದ್ದೆಯಿಂದ ಎಚ್ಚೆತ್ತ ಆತ ಸಹಾಯಕ್ಕಾಗಿ ಕೂಗಿಕೊಂಡ. ಆದರೆ ನಾನು ಸಹಾಯ ಮಾಡಲಿಲ್ಲ. ಆತ ಸಾವನ್ನಪ್ಪಿದ ಮೇಲೆ ಪೊಲೀಸ್ ಠಾಣೆಗೆ ಬಂದು ಶರಣಾದೆ ಎಂದಾಕೆ ಹೇಳಿದ್ದಾಳೆ.

ಆಕೆ ತನ್ನ ಕೃತ್ಯಕ್ಕಾಗಿ ಪಶ್ಚಾತಾಪವನ್ನು ವ್ಯಕ್ತ ಪಡಿಸಿಲ್ಲ.