ಅತ್ಯಾಚಾರಿ ಮಾವನೊಂದಿಗೆ ಸೊಸೆ ಮದುವೆ ಯತ್ನ: ಪತಿ ಕುಟುಂಬದ ವಿರುದ್ಧ ದೂರು

ಸಂಭಾಲ್‌: ಅತ್ಯಾಚಾರ ನಡೆಸಿದ ಮಾವನೊಂದಿಗೆ ಸೊಸೆಯ ಮದುವೆ ಮಾಡಿಸಲು ಗಂಡನ ಮನೆಯವರು ಮಾನಸಿಕವಾಗಿ ಹಿಂಸಿಸಿದ್ದಾರೆಂದು ಮಹಿಳೆ ನೀಡಿದ ದೂರಿನ ಮೇರೆಗೆ ಪೊಲೀಸರು ಆಕೆಯ ಪತಿ, ಮಾವ ಸೇರಿ ಐವರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.

ಮುಸ್ಲಿಂ ಸಂಪ್ರದಾಯದಲ್ಲಿ ಹೆಣ್ಣಿಗೆ ಮರು ಮದುವೆ ಮಾಡಿಸಬೇಕೆಂದರೆ ಆಕೆ ನಿಖಾ ಹಲಾಲ ಪದ್ದತಿಗೆ ಒಳಪಡುವುದು ಅನಿವಾರ್ಯವಾಗಿದೆ. ಸಂತ್ರಸ್ತೆ 2014ರ ಡಿಸೆಂಬರ್‌ನಲ್ಲಿ ಮದುವೆಯಾಗಿದ್ದಳು. ಒಂದು ವರ್ಷದ ಬಳಿಕ ಆಕೆಯನ್ನು ಮನೆಯಿಂದ ಹೊರಹಾಕಲಾಗಿತ್ತು. 2016ರಲ್ಲಿ ಎರಡೂ ಮನೆಯವರ ಕಡೆ ಮರು ಒಪ್ಪಂದ ನಡೆದು ಪರಿಸ್ಥಿತಿ ತಿಳಿಗೊಂಡಿತ್ತು. ಆದರೆ ನಂತರದಲ್ಲಿ ಮಾವನಿಂದಲೇ ಅತ್ಯಾಚಾರಕ್ಕೊಳಗಾಗಿದ್ದಳು ಎಂದು ಪೊಲೀಸರು ಹೇಳಿದ್ದಾರೆ.