ಮದುವೆ, ಸೆಕ್ಸ್‌‌ಗೆ ಒಪ್ಪದ ಇನಿಯನ ಮರ್ಮಾಂಗ ಕತ್ತರಿಸಿದ ಯುವತಿ

ಹೊಸದಿಲ್ಲಿ: ಪ್ರಿಯಕರ ತನ್ನನ್ನು ವಿವಾಹವಾಗಲು ಹಾಗೂ ದೈಹಿಕ ಸಂಪರ್ಕ ಬೆಳೆಸಲು ನಿರಾಕರಿಸಿದ ಕಾರಣಕ್ಕೆ 23 ವರ್ಷದ ಪ್ರಿಯತಮೆ ಆತನ ಮರ್ಮಾಂಗ ಕತ್ತರಿಸಿದ ಘಟನೆ ಹೊಸದಿಲ್ಲಿಯಲ್ಲಿ ವರದಿಯಾಗಿದೆ.

ಯುವತಿಯ ಪ್ರಿಯತಮ ರವಿ (35) ಅವರನ್ನು ಸಂಜಯ್ ಗಾಂಧಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಆತ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದಾನೆ ಎಂದು ತಿಳಿದುಬಂದಿದೆ.

ರವಿ ಮಂಗಲಪುರಿಯಲ್ಲಿ ಬೀದಿ ಬದಿ ವ್ಯಾಪಾರಸ್ಥ. ಈತ ಬುಧವಾರ ರಾತ್ರಿ 11.30ರ ಸುಮಾರಿಗೆ ಮನೆಗೆ ಹೋಗುತ್ತಿದ್ದ ಸಂದ್ರಭದಲ್ಲಿ ತನ್ನ ಪ್ರಿಯತಮೆಯ ಸಂಬಂಧಿ ಫೋನ್ ಮಾಡಿದ್ದು, ತಕ್ಷಣ ಮನೆಗೆ ಬರುವಂತೆ ಹೇಳಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.

ಪ್ರಿಯತಮೆಯ ಮನೆಗೆ ಹೋದಾಗ ಆಕೆ ವಿವಾಹ ಪ್ರಸ್ತಾಪ ಮಾಡಿದ್ದಾಳೆ. ಆದರೆ, ತನ್ನ ಮನೆಯಲ್ಲಿ ಒಪ್ಪಿಗೆ ಇಲ್ಲ ಎಂದು ಆತ ನಿರಾಕರಿಸಿದ್ದ. ಕೋಪಿತಗೊಂಡ ಯುವತಿ ಆತನನ್ನು ಬಾತ್ ರೂಮಿಗೆ ತಳ್ಳಿ ದೈಹಿಕ ಸಂಪರ್ಕಕ್ಕೆ ಒತ್ತಾಯಿಸಿದ್ದಾಳೆ. ಆದರೆ, ಆತ ಸ್ಪಂದಿಸದ ಕಾರಣ ರೊಚ್ಚಿಗೆದ್ದ ಯುವತಿ ಅಡುಗೆ ಮನೆಯಿಂದ ಚಾಕು ತಂದು ಆತನ ಮರ್ಮಾಂಗ ಕತ್ತರಿಸಿದ್ದಾಳೆ. ಘಟನೆಯ ಬಳಿಕ ಯುವತಿ ಹಾಗೂ ಆಕೆಯ ಕುಟುಂಬ ತಲೆಮರೆಸಿಕೊಂಡಿದ್ದಾರೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.

ಘಟನೆ ಕುರಿತು ಮಂಗಲಪುರಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.