ಮುಸ್ಲಿಂ ವರಿಸಿದ ಮಗಳ ಅಂತ್ಯಕ್ರಿಯೆ: ಒಲ್ಲೆ ಎಂದ ಪೋಷಕರು

ಕೊಲ್ಕತ್ತಾ: ಮುಸ್ಲಿಮನನ್ನು ವರಿಸಿದ್ದಾಳೆಂಬ ಕಾರಣಕ್ಕೆ ಮಗಳ ಅಂತ್ಯ ಸಂಸ್ಕಾರ ಮಾಡಲು ಪೋಷಕರು ನಿರಾಕರಿಸುತ್ತಿದ್ದಾರೆ. ಆದ್ದರಿಂದ ಸುಟ್ಟ ಗಾಯಗಳಿಂದ ಮೃತಪಟ್ಟು 12 ದಿನಗಳಾದರೂ ಮಹಿಳೆಯೊಬ್ಬಳ ಶವ ಇಲ್ಲಿಗೆ ಸಮೀಪದ ಮಾಲ್ಡಾ ವೈದ್ಯಕೀಯ ಕಾಲೇಜಿನಲ್ಲಿಯೇ ಇದೆ.

'ಇದು ಸಹಜ ಸಾವಲ್ಲ. ಕೊಲೆ,' ಎಂದು ಮಹಿಳೆಯ ತಂದೆ ಅರುಣ್ ಕುಮಾರ್ ಜೈಸ್ವಾಲ್ ಪ್ರಕರಣ ದಾಖಲಿಸಿದ್ದು, ಅತ್ತ ಗಂಡನ ಮನೆಯವರು ತಲೆ ಮರೆಸಿಕೊಂಡಿದ್ದಾರೆ. ಇತ್ತ, 'ಮುಸ್ಲಿಂ ಆಗಿ ಮತಾಂತರಗೊಂಡ ಮಗಳು ಆಶಾ ಸಂಸ್ಕಾರವನ್ನು ಹಿಂದೂ ಸಂಪ್ರದಾಯದಂತೆ ಮಾಡಲಾಗುವುದಿಲ್ಲ,' ಎಂದು ಪೋಷಕರು ಕೈ ಚೆಲ್ಲಿದ್ದಾರೆ.

'ಜಿಲ್ಲಾಡಳಿತದಿಂದ ಅನುಮತಿ ಪಡೆದು ಇನ್ನು ಕೆಲವು ದಿನಗಳ ನಂತರ ನಾವೇ ಅಂತ್ಯ ಸಂಸ್ಕಾರ ಮಾಡುತ್ತೇವೆ,' ಎಂದು ಪೊಲೀಸರು ಹೇಳಿದ್ದಾರೆ.