ಮ್ಯಾಟ್ರಿಮೋನಿಯಲ್ ಸೈಟ್‌ಗಳಲ್ಲೂ ನೈಜೀರಿಯನ್ನರು: 74 ಲಕ್ಷ ಕಳೆದುಕೊಂಡ ಮಹಿಳೆ

ಮುಂಬಯಿ: ನಗರದ ಶಿವಾಜಿ ಪಾರ್ಕ್ ನಿವಾಸಿಯಾಗಿರುವ 40 ವರ್ಷದ ಮಹಿಳೆ ಆನ್‌ಲೈನ್ ವಧು-ವರರ ವೇದಿಕೆಯಲ್ಲಿ ಪರಿಚಯವಾದ ನೈಜೀರಿಯನ್ ವಂಚಕನ ಬಲೆಗೆ ಬಿದ್ದು ಬರೋಬ್ಬರಿ 74 ಲಕ್ಷ ರೂಪಾಯಿ ಕಳೆದುಕೊಂಡಿರುವ ಘಟನೆ ವರದಿಯಾಗಿದೆ.

ವಿವಾಹ ದಿನಾಂಕ ನಿಗದಿಪಡಿಸಲು ಬರುವಾಗ ವಿಮಾಣ ನಿಲ್ದಾಣದಲ್ಲಿ ಕಸ್ಟಮ್ಸ್ ಅಧಿಕಾರಿಗಳ ಬಲೆಗೆ ಬಿದ್ದಿರುವುದಾಗಿ ವಂಚಕ ಹೇಳಿರುವುದನ್ನು ನಂಬಿದ ಮಹಿಳೆ, ಆತನ ಖಾತೆಗೆ 74 ಲಕ್ಷ ರೂಪಾಯಿ ಹಣ ವರ್ಗಾವಣೆ ಮಾಡಿ ತಲೆಯ ಮೇಲೆ ಟೋಪಿ ಹಾಕಿಸಿಕೊಂಡಿದ್ದಾರೆ.

ಸಂತ್ರಸ್ತ ಮಹಿಳೆ ಸೈಬರ್ ಕ್ರೈಂ ಇಲಾಖೆಗೆ ದೂರು ನೀಡಿದ್ದಾರೆ. ಈ ಪ್ರಕರಣದಲ್ಲಿ ಮಂಬಯಿ ಸೈಬರ್ ಕ್ರೈಂ ಅಧಿಕಾರಿಗಳು ಜನಪ್ರಿಯ ಆನ್‌ಲೈನ್ ವಿವಾಹ ತಾಣವನ್ನು ಸಹ ಆರೋಪಿಯಾಗಿಸಿದ್ದು, ಮಾಹಿತಿ ತಂತ್ರಜ್ಞಾನ ಕಾಯಿದೆಯಡಿ ಸುಳ್ಳು, ವಂಚನೆ ಸೇರಿದಂತೆ ಹಲವು ಪ್ರಕರಣಗಳನ್ನು ದಾಖಲಿಸಿದೆ.

'ನಾನು ಜನಪ್ರಿಯ ವಿವಾಹ ವೇದಿಕೆಯಲ್ಲಿ ಖಾತೆ ತೆರೆದ ಬಳಿಕ ಅಮರ್ ಜೋಶಿ ಹೆಸರಿನ ವ್ಯಕ್ತಿಯ ಇ-ಮೇಲ್ ಸ್ವೀಕರಿಸಿದೆ. ಇತ ಇಂಗ್ಲೆಂಡ್‌ನ ನಿವಾಸಿಯೆಂದು ಹೇಳಿಕೊಂಡಿದ್ದ. ಈತನ ಪ್ರೊಫೈಲ್ ಹಾಗೂ ಭಾವಚಿತ್ರಗಳಿಂದ ಪ್ರಭಾವಿತಗೊಂಡು ಮೊಬೈಲ್ ಸಂಖ್ಯೆಯನ್ನು ಹಂಚಿಕೊಂಡೆ. ಬಳಿಕ ಇಬ್ಬರು ಪರಸ್ಪರ ಚಾಟಿಂಗ್‌ ಮಾಡಲು ಪ್ರಾರಂಭಿಸಿದ್ದೇವು. ತಾನು ಅನಿವಾಸಿ ಭಾರತೀಯ. ತನಗೆ ಭಾರತೀಯ ನಾರಿಯನ್ನೇ ವಿವಾಹವಾಗುವ ಬಯಕೆ ಎಂದು ಹೇಳಿ ಮರಳು ಮಾಡಿದ್ದ. ಬಳಿಕ ಮದುವೆ ದಿನಾಂಕ ನಿಗದಿಪಡಿಸಲು ಜೂನ್ 10ರಂದು ಮುಂಬಯಿಗೆ ಬರುತ್ತಿರುವುದಾಗಿ ಹೇಳಿದ್ದ. ಆದರೆ, ಆತನ ಮಾತು ನಂಬಿ 74 ಲಕ್ಷ ರೂಪಾಯಿ ವಂಚನೆಗೊಳಗಾಗಿದ್ದೇನೆ' ಎಂದು ಸಂತ್ರಸ್ತೆ ಹೇಳಿಕೊಂಡಿದ್ದಾಳೆ.

ಹೇಗೆ ನಡೆಯಿತು ವಂಚನೆ....

ತನಿಖಾ ಅಧಿಕಾರಿಯೊಬ್ಬರು ಹೇಳಿದ್ದಾರೆ: "ಮೊದಲ ಜೋಷಿ ಹಲೋ ಹೇಳಿದರು ಮತ್ತು ನಂತರ ದೆಹಲಿ ವಿಮಾನ ನಿಲ್ದಾಣದಲ್ಲಿ ಕಸ್ಟಮ್ಸ್ ಅಧಿಕಾರಿಯಾಗಿ ಗುರುತಿಸಿಕೊಂಡ ಮಹಿಳೆಯರಿಗೆ ಫೋನ್ ಹಸ್ತಾಂತರಿಸಿದರು ಮತ್ತು ಅವರ ಇಲಾಖೆ ಹೆಚ್ಚುವರಿ ಯುಎಸ್ ಡಾಲರ್ ಜೋಷಿ ಸೆಳೆಯಿತು ಹೇಳಿದರು ಅವರು 38 ಲಕ್ಷ ಅವನನ್ನು ಬಿಡುಗಡೆ ಮಾಡಿ. " ಮಹಿಳೆ ಮೊತ್ತವನ್ನು ನಾಲ್ಕು ಬ್ಯಾಂಕ್ ಖಾತೆಗಳಿಗೆ ವರ್ಗಾಯಿಸಲಾಯಿತು.

ವಂಚಕ ಜೋಶಿ ಸಂತ್ರಸ್ತ ಮಹಿಳೆಗೆ ಕರೆ ಮಾಡಿ ಕೇವಲ ಹೆಲೋ ಎಂದು ಹೇಳಿದ್ದ. ಬಳಿಕ ದಿಲ್ಲಿ ಕಸ್ಟಮ್ ಅಧಿಕಾರಿಯೆಂದು ಗುರುತಿಸಿಕೊಂಡಿದ್ದ ವಂಚಕರ ತಂಡದ ಸದಸ್ಯೆಯೊಬ್ಬಳ ಬಳಿ ಫೋನ್ ನೀಡಿ ಮಾತನಾಡಿಸಿದ್ದ. 'ಅಮರ್ ಜೋಶಿ ಅಪಾರ ಪ್ರಮಾಣದ ಅಮೆರಿಕನ್ ಡಾಲರ್ ತೆಗೆದುಕೊಂಡು ಬರುವಾಗ ನಮ್ಮ ಬಲೆಗೆ ಸಿಕ್ಕಿ ಬಿದ್ದಿದ್ದಾನೆ. ಈತನ ಬಿಡುಗಡೆಗೆ 38 ಲಕ್ಷ ರೂಪಾಯಿ ದಂಡ ಭರಿಸಬೇಕು ಎಂದು ಹೇಳಿದ್ದಳು. ಗಾಬರಿಗೊಂಡ ಮಹಿಳೆ ಆತನನ್ನು ಬಿಡುಗಡೆ ಮಾಡಿಸಬೇಕು ಎಂದು ವಂಚಕರ 4 ಖಾತೆಗಳಿಗೆ 38 ಲಕ್ಷ ರೂಪಾಯಿ ಹಣ ವರ್ಗಾವಣೆ ಮಾಡಿದ್ದರು.

ಇಷ್ಟಕ್ಕೆ ದಾಹ ತೀರದ ವಂಚಕರು ಮಾರನೇ ದಿನ ಮತ್ತೆ ಕರೆ ಮಾಡಿ ತಾನು ಮುಂಬಯಿಗೆ ಆಗಮಿಸಿದ್ದೇನೆ. ಇಲ್ಲಿಯೂ ಕೂಡಾ ತನ್ನನ್ನು ಕಸ್ಟಮ್ ಅಧಿಕಾರಿಗಳು ಬಂಧಿಸಿದ್ದಾರೆ. ತಕ್ಷಣವೇ 36 ಲಕ್ಷ ರೂಪಾಯಿ ಹಣ ವರ್ಗಾಯಿಸುವಂತೆ ಹೇಳಿ ಕಾಲ್ ಕಟ್ ಮಾಡಿದ್ದಾನೆ. ಮತ್ತೆ ಆತನ ಮಾತು ನಂಬಿದ ಮಹಿಳೆ 36 ಲಕ್ಷ ರೂಪಾಯಿ ಹಣ ವರ್ಗಾವಣೆ ಮಾಡಿದ್ದಾರೆ. ಆನ್‌ಲೈನ್‌ನಲ್ಲಿ ಮಹಿಳೆಯರನ್ನು ವಂಚಿಸುವ ಸುಲಭ ತಂತ್ರ ಇದಾಗಿದೆ.