ದೊಣ್ಣೆ ಹಿಡಿದು ಪತಿಯನ್ನು ಕಾಪಾಡಿದ ವೀರನಾರಿ

ಹರಿಯಾಣ: ತನ್ನ ಪತಿಯ ಮೇಲೆ ದೊಣ್ಣೆಗಳಿಂದ ದಾಳಿ ಮಾಡುತ್ತಿರುವವರಿಂದ ಮಹಿಳೆಯೊಬ್ಬರು ರಕ್ಷಿಸಿದ ಘಟನೆ ಹರಿಯಾಣದ ಯಮುನಾ ನಗರದಲ್ಲಿ ನಡೆದಿದೆ. ತನ್ನ ಪತಿಯ ಮೇಲೆ ದೊಣ್ಣೆಗಳಿಂದ ಹಲ್ಲೆ ನಡೆಸುತ್ತಿದ್ದವರನ್ನು ಎದುರಿಸಿ ಅವರು ಅಲ್ಲಿಂದ ಪೇರಿಕೀಳುವಂತೆ ಮಾಡಿದ್ದಾರೆ ಆ ವೀರ ನಾರಿ.

ಆಕೆ ಕುಟುಂಬಕ್ಕೂ ಬೇರೆಯವರಿಗೂ ಜಮೀನು ವಿಚಾರದಲ್ಲಿ ತಗಾದೆಗಳಿವೆಯಂತೆ. ಜಮೀನಿಗೆ ಒಂಟಿಯಾಗಿ ಹೋಗಿದ್ದ ತನ್ನ ಗಂಡನ ಮೇಲೆ ನಾಲ್ಕು ಮಂದಿ ವ್ಯಕ್ತಿಗಳು ದೊಣ್ಣೆಗಳಿಂದ ಹಲ್ಲೆ ಮಾಡಿದ್ದಾರೆ. ಆದರೆ ಆಕೆ ಅಂಜದೆ ಒಂದು ಕೈಲಿ ದೊಡ್ಡ ದೊಣ್ಣೆ ಹಿಡಿದು ಅವರನ್ನೆಲ್ಲಾ ಹಿಮ್ಮೆಟ್ಟಿಸಿದ್ದಾಗಿ ಎಎನ್‍ಐ ವರದಿ ಮಾಡಿದೆ. ಇದಕ್ಕೆ ಸಂಬಂಧಿಸಿದ ವೀಡಿಯೋವನ್ನೂ ಹಂಚಿಕೊಂಡಿದೆ.

ಹೊಡೆತ ತಿಂದು ಪ್ರಜ್ಞೆ ಕಳೆದುಕೊಂಡಿದ್ದ ತನ್ನ ಗಂಡನನ್ನು ನೋಡಿ ಒಮ್ಮೆಲೆ ರೌದ್ರಾವತಾರ ತಾಳಿದ ಆಕೆ ಒಂದೇ ಕೈಯಲ್ಲಿ ಅವರನ್ನೆಲ್ಲಾ ಹಿಮ್ಮೆಟ್ಟಿಸಿ ತನ್ನ ಪತಿಯ ಪ್ರಾಣವನ್ನು ಕಾಪಾಡಿಕೊಂಡಿದ್ದಾರೆ. ಇದೀಗ ಇದಕ್ಕೆ ಸಂಬಂಧಿಸಿದ ವೀಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿದೆ. #WATCH: Woman saves her husband who was being beaten up by a group of men in #Haryana's Yamuna Nagar. pic.twitter.com/V9PpR0SWac — ANI (@ANI) February 22, 2018