ತಲಾಖ್‌: ಹಿಂದೂ ಧರ್ಮಕ್ಕೆ ಮಂತಾತರಗೊಳ್ಳುವೆ ಎಂದ ಮುಸ್ಲಿಂ ಮಹಿಳೆ

ರುದ್ರಾಪುರ: ತ್ರಿವಳಿ ತಲಾಖ್‌ ಸಂತ್ರಸ್ತೆಯ ಸೋದರಿ ಮುಸ್ಲಿಂ ಧರ್ಮ ತ್ಯಜಿಸಿ ಹಿಂದೂ ಧರ್ಮಕ್ಕೆ ಮತಾಂತರಗೊಳ್ಳುವುದಾಗಿ ಹೇಳಿದ್ದಾರೆ.

ತ್ರಿವಳಿ ತಲಾಕ್ ಪದ್ಧತಿಯಿಂದ ಅನ್ಯಾಯಕ್ಕೆ ಒಳಗಾಗುವ ಬದಲು ಹಿಂದೂ ಧರ್ಮಕ್ಕೆ ಮಂತಾತರಗೊಳ್ಳುವುದೇ ಉತ್ತಮ ಎಂದು ಮುಸ್ಲಿಂ ಮಹಿಳೆ ಅಭಿಪ್ರಾಯಪಟ್ಟಿದ್ದಾರೆ.

ಜತೆಗೆ, ಪ್ರಧಾನಿ ನರೇಂದ್ರ ಮೋದಿ ಹಾಗೂ ಉತ್ತರ ಪ್ರದೇಶ ಮುಖ್ಯಮಂತ್ರಿ ಆದಿತ್ಯನಾಥ್ ಅವರನ್ನು ಮುಸ್ಲಿಂ ಮಹಿಳೆ ಶ್ಲಾಘಿಸಿದ್ದಾರೆ.

ತಲಾಖ್‌ ಸಂತ್ರಸ್ತೆಗೆ ನ್ಯಾಯ ದೊರಕಿಸಿಕೊಡುವಂತೆ ಕಿಚ್ಚಾ ಪೊಲೀಸರ ಬಳಿ ಮನವಿ ಮಾಡಿರುವ ಮುಸ್ಲಿಂ ಮಹಿಳೆ, ನ್ಯಾಯ ದೊರೆಯದಿದ್ದರೆ ಹಿಂದೂ ಧರ್ಮಕ್ಕೆ ಮತಾಂತರಗೊಳ್ಳುತ್ತೇನೆ ಎಂದೂ ಬೆದರಿಕೆ ಒಡ್ಡಿದ್ದಾರೆ.

ತ್ರಿವಳಿ ತಲಾಕ್‌ ಬಗ್ಗೆ ತೀವ್ರ ಆಕ್ರೋಶ ವ್ಯಕ್ತಪಡಿಸಿರುವ ಮಹಿಳೆ ಉತ್ತರಾಖಂಡದ ಕಿಚ್ಚಾ ಪ್ರದೇಶದ ನಿವಾಸಿ ಎಂದು ತಿಳಿದುಬಂದಿದೆ.