ಅಣ್ಣ ಮೋದಿಗೆ 501 ರಾಖಿ ಹಾಗೂ ಫೇಸ್ ಮಾಸ್ಕ್ ಕಳಿಸಿದ ಮಥುರಾದ ಮಹಿಳೆಯರು!

ಮಥುರಾ: ಇಲ್ಲಿನ ವೃಂದಾವನದ ವಿಧವೆಯರು ರಕ್ಷಾ ಬಂಧನದ ಹಿನ್ನೆಲೆಯಲ್ಲಿ ಪ್ರಧಾನಿ ಮೋದಿ ಅವರಿಗೆ ಸ್ವತಃ ತಯಾರಿಸಿದ 501 ರಾಖಿ ಹಾಗೂ ಫೇಸ್ ಮಾಸ್ಕ್‌ಗಳನ್ನು ಕಳುಹಿಸಿಕೊಟ್ಟಿದ್ದಾರೆ.

ಕೊರೊನಾ ವೈರಸ್ ಹಾವಳಿಯ ಹಿನ್ನೆಲೆಯಲ್ಲಿ ಹಿರಿಯ ಸಹೋದರ ಮೋದಿ ಅವರನ್ನು ಭೇಟಿ ಮಾಡಲು ಸಾಧ್ಯವಾಗುತ್ತಿಲ್ಲ. ಈ ಕಾರಣಕ್ಕೆ ವಿಧವೆಯರು ತಯಾರಿಸಿದ 501 ರಾಖಿ ಹಾಗೂ ಫೇಸ್‌ ಮಾಸ್ಕ್‌ಗಳನ್ನು ಕಳುಹಿಸಿಕೊಡುತ್ತಿರುವುದಾಗಿ ಸುಲಭ್ ಹೋಪ್ ಫೌಂಡೇಶನ್ ಎಂಬ ಎನ್‌ಜಿಒ ಹೇಳಿದೆ.

Online Rakhi: ರಾಜ್ಯದಲ್ಲಿ ಅಂಚೆ ಇಲಾಖೆಯಿಂದ ಆನ್‌ಲೈನ್ ರಾಖಿ ಪೋಸ್ಟ್ ಸೇವೆ

ರಕ್ಷಾ ಬಂಂಧನದ ದಿನದಂದು ಪ್ರತಿವರ್ಷವೂ ವಿಧವೆಯರು ಪ್ರಧಾನಿ ಮೋದಿ ಅವರನ್ನು ಭೇಟಿ ಮಾಡಿ ರಾಖಿ ಕಟ್ಟುತ್ತಿದ್ದರು. ಆದರೆ ಈ ಬಾರಿ ಕೊರೊನಾ ವೈರಸ್ ಹಾವಳಿಯ ಕಾರಣಕ್ಕೆ ಪ್ರಧಾನಿ ಮೋದಿ ಅವರನ್ನು ಭೇಟಿ ಮಾಡಲು ಸಾಧ್ಯವಾಗಿಲ್ಲ.

ಈ ಹಿನ್ನೆಲೆಯಲ್ಲಿ ಒಟ್ಟು 501 ರಾಖಿಗಳನ್ನು ಪ್ರಧಾನಿ ಮೋದಿ ಅವರಿಗೆ ಕಳುಹಿಸಿಕೊಡಲಾಗಿದೆ. ಈ ರಾಖಿಗಳ ಮೇಲೆ ಪ್ರಧಾನಿ ಮೋದಿ ಭಾವಚಿತ್ರವಿದ್ದು, ಫೇಸ್ ಮಾಸ್ಕ್‌ಗಳ ಮೇಲೆ ವೃಂದಾವನದ ಮಂದಿರದ ಚಿತ್ರವಿದೆ. ಅಲ್ಲದೇ ಸ್ಟೇ ಸೇಫ್ ಹಾಗೂ ಆತ್ಮನಿರ್ಭರ ಎಂದು ಬರೆಯಲಾಗಿದೆ. ಈ ರಾಖಿಗಳು ಇಂದು(ಶುಕ್ರವಾರ) ಪ್ರಧಾನಿ ಕಚೇರಿ ತಲುಪಲಿವೆ.

ಈ ಬಾರಿ ಮನೆಯಲ್ಲಿಯೇ ರಕ್ಷಾ ಬಂಧನ ಮಾಡಿ ನೋಡಿ

ಒಟ್ಟಿನಲ್ಲಿ ಪ್ರಧಾನಿ ಮೋದಿ ಅವರಿಗೆ ಈ ಬಾರಿ ವಿಧವಾ ಸಹೋದರಿಯರು ಪ್ರೀತಿಯಿಂದ ರಾಖಿ ಕಳುಹಿಸಿದ್ದು, ಜೊತೆಗೆ ಕೊರೊನಾ ವೈರಸ್ ಕುರಿತು ಜಾಗೃತಿಯನ್ನೂ ಮೂಡಿಸಿರುವುದು ಗಮನ ಸೆಳೆದಿದೆ.