ಆಭರಣದಂಗಡಿಗೆ ಹಾವು ಬಿಟ್ಟು, ಒಡವೆ ಕದ್ದರು!

ರಾಂಪುರ್‌: ಬುರ್ಖಾ ಧರಿಸಿ ಆಭರಣದ ಮಳಿಗೆಗೆ ಬಂದ ಇಬ್ಬರು ಮಹಿಳೆಯರು ಹಾವನ್ನು ಬಿಟ್ಟು ಕಳ್ಳತನ ಮಾಡಿದ ಘಟನೆ ಉತ್ತರ ಪ್ರದೇಶದ ರಾಂಪುರ್‌ ಜಿಲ್ಲೆಯಲ್ಲಿ ನಡೆದಿದೆ.

ಆಭರಣದ ಅಂಗಡಿ ಒಳಗೆ ಬಂದ ಮಹಿಳೆಯರು ಬ್ಯಾಗ್‌ನಲ್ಲಿದ್ದ ಎರಡು ಹಾವನ್ನು ಹೊರಬಿಟ್ಟಿದ್ದಾರೆ. ಹಾವನ್ನು ನೋಡುತ್ತಿದ್ದಂತೆ ಅಂಗಡಿ ಮಾಲೀಕ ಹಾಗೂ ಶಾಪ್‌ನಲ್ಲಿ ಕೆಲಸ ಮಾಡುತ್ತಿದ್ದವರು ಹೆದರಿ ಹೊರಗೆ ಓಡಿದ್ದಾರೆ. ಇದೇ ಸಂದರ್ಭದಲ್ಲಿ ಅಂಗಡಿಯಿಂದ ಲಕ್ಷಗಟ್ಟಲೆ ಬೆಲೆಬಾಳುವ ಚಿನ್ನವನ್ನು ದೋಚಿ ಪರಾರಿಯಾಗಿದ್ದಾರೆ. ಈ ಘಟನೆ ಆಗಸ್ಟ್‌ 25ರಂದು ನಡೆದಿದೆ.

ಈ ಕುರಿತು ಅಂಗಡಿ ಮಾಲೀಕ ಪೋಲಿಸರಿಗೆ ದೂರು ನೀಡಿದ್ದು, ಅಂಗಡಿಯಲ್ಲಿನ ಸಿಸಿಟಿವಿಗಳಲ್ಲಿ ಈ ಘಟನೆ ದಾಖಲಾಗಿದೆ. ಹಾವು ಬಿಟ್ಟು ಕಳ್ಳತನ ಮಾಡಿದ ಆ ಅಪರಿಚಿತ ಕಳ್ಳಿಯರ ಪತ್ತೆ ಹಚ್ಚಲು ಪೊಲೀಸರು ಬಲೆ ಬೀಸಿದ್ದಾರೆ.

Two burqa-clad women released a snake into a jewelley shop. When the startled owner fled in fear, the women decamped with lakhs in gold jewellery.