ಹೊಸದಿಲ್ಲಿ: ಕಾಶ್ಮೀರದಲ್ಲಿ ಭಯೋತ್ಪಾದನೆಗೆ ಕುಮ್ಮಕ್ಕು ನೀಡಲು ಪಾಕಿಸ್ತಾನದಿಂದ ಭಾರಿ ಮೊತ್ತದ ಹಣ ಪಡೆದು ದೇಶದ್ರೋಹದ ಅಪರಾಧ ಎಸಗಿ, ಜೀವಾವಧಿ ಜೈಲು ಶಿಕ್ಷೆಗೆ ಗುರಿಯಾಗಿರುವ ಯಾಸಿನ್ ಮಲಿಕ್ (Yasin Malik) ವಿರುದ್ಧ ಸಾಕ್ಷ್ಯ ಹೇಳಿದ ಪ್ರಮುಖ ವ್ಯಕ್ತಿಗಳ ಹೆಸರು ಜ್ಯಾಕ್‌, ಜಾನ್‌, ಗಾಲ್ಫ್‌ ಮತ್ತು ಆಲ್ಪಾ!
ಈ ಪ್ರಕರಣದ ತನಿಖೆ ಹಾಗೂ ಮಲಿಕ್‌ಗೆ ಶಿಕ್ಷೆ ಕೊಡಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ ಎನ್‌ಐಎ ಅಧಿಕಾರಿಗಳ ತಂಡವನ್ನು ಮುನ್ನಡೆಸಿದವರು 1996ನೇ ಬ್ಯಾಚ್‌ನ ಐಪಿಎಸ್‌ ಅಧಿಕಾರಿ ಅನಿಲ್‌ ಶುಕ್ಲಾ. ಅವರಿಗೆ ಎನ್‌ಐಎ ನಿರ್ದೇಶಕ ಶರದ್‌ ಕುಮಾರ್‌ ಕೂಡ ಬೆಂಬಲವಾಗಿ ನಿಂತಿದ್ದರು.
ಕೋರ್ಟ್‌ ತೀರ್ಪಿನ ಬಗ್ಗೆ ಪ್ರತಿಕ್ರಿಯಿಸಿರುವ ಶುಕ್ಲಾಅವರು, ''ಮಲಿಕ್‌ಗೆ ಜೀವಾವಧಿ ಶಿಕ್ಷೆಯ ತೀರ್ಪು ನಮ್ಮ ಶ್ರಮಕ್ಕೆ ಸಿಕ್ಕ ಪ್ರತಿಫಲ. ಆತ ತನ್ನ ತಪ್ಪನ್ನು ಒಪ್ಪಿಕೊಳ್ಳುವ ನಾಟಕ ಮಾಡಿ, ಕಠಿಣ ಶಿಕ್ಷೆಯಿಂದ ಪಾರಾಗಲು ಯತ್ನಿಸಿದ್ದ. ಆದರೆ, ಮಲಿಕ್‌ಗೆ ಸಿಕ್ಕಿರುವ ಕಠಿಣ ಶಿಕ್ಷೆಯು, ದೇಶ ದ್ರೋಹಿ ಕೆಲಸಗಳಲ್ಲಿ ನಿರತರಾಗಿರುವವರಿಗೆ ಖಡಕ್‌ ಎಚ್ಚರಿಕೆ ಸಂದೇಶವಾಗಿದೆ,'' ಎಂದಿದ್ದಾರೆ.
ಕಾಶ್ಮೀರ ಕಣಿವೆಯಲ್ಲಿ ಭದ್ರತಾ ಪಡೆಗಳ ಮೇಲೆ ಪ್ರತ್ಯೇಕತಾವಾದಿಗಳಿಂದ ನಡೆಯುತ್ತಿದ್ದ ಕಲ್ಲು ತೂರಾಟವನ್ನು ಅಂತ್ಯಗೊಳಿಸುವಲ್ಲಿ ಕೂಡ ಶುಕ್ಲಾ ಪ್ರಮುಖ ಪಾತ್ರವಹಿಸಿದ್ದರು. ಪ್ರತ್ಯೇಕತಾವಾದಿಗಳು ಕಾಶ್ಮೀರಿ ಯುವಕರಿಗೆ ಕಲ್ಲುಎಸೆಯಲು ನೀಡುತ್ತಿದ್ದ ಹಣಕ್ಕೆ ಅಂಕುಶ ಹಾಕಿದ್ದರು.
ಪ್ರತಿಭಟನಾಕಾರರ ಬಂಧನ
ಯಾಸಿನ್ ಮಲಿಕ್‌ಗೆ ಜೀವಾವಧಿ ಶಿಕ್ಷೆ ಪ್ರಕಟವಾದ ಕೂಡಲೇ ಜಮ್ಮು ಮತ್ತು ಕಾಶ್ಮೀರದ ಶ್ರೀನಗರದಲ್ಲಿ ಪ್ರತಿಭಟನೆ ಮೂಲಕ ಹಿಂಸಾಚಾರಕ್ಕೆ ಪ್ರಚೋದಿಸಿದ ಆರೋಪದ ಮೇರೆಗೆ 10 ಮಂದಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಬುಧವಾರ ರಾತ್ರೋರಾತ್ರಿ ಆರೋಪಿಗಳ ಮನೆಗಳ ಮೇಲೆ ರೇಡ್‌ ನಡೆಸಿ ಪೊಲೀಸರು ಬಂಧಿಸಿದ್ದಾರೆ. ಈ ಮೂಲಕ ದೊಡ್ಡ ಮಟ್ಟದ ಹಿಂಸಾಚಾರದ ಸಂಚನ್ನು ವಿಫಲಗೊಳಿಸಿದ್ದಾರೆ. ಲಾಲ್‌ ಚೌಕ್‌ನಿಂದ ಸ್ವಲ್ಪವೇ ದೂರದಲ್ಲಿರುವ ಯಾಸಿನ್ ನಿವಾಸದ ಎದುರು ಜಮಾಯಿಸಿದ್ದ ಪ್ರತಿಭಟನಾಕಾರರು , ಮಲಿಕ್ ಸ್ನೇಹಿತರು ದೇಶ ವಿರೋಧಿ ಘೋಷಣೆಗಳನ್ನು ಕೂಡ ಕೂಗಿದ್ದಾರೆ.
ಕೆಲಸ ಕೊಡದೇ ಒಬ್ಬಂಟಿ ಶಿಕ್ಷೆ
ತಿಹಾರ್ ಜೈಲು ಪಾಲಾಗಿರುವ ಯಾಸಿನ್ ಮಲಿಕ್‌ನನ್ನು ಏಳನೇ ಕೊಠಡಿಯಲ್ಲಿಒಬ್ಬಂಟಿಯಾಗಿ ಇರಿಸಲಾಗಿದೆ. ಒಟ್ಟು 13 ಸಾವರ ಕೈದಿಗಳಿರುವ ತಿಹಾರ್ ಜೈಲಿನಲ್ಲಿ ಮಲಿಕ್ ಮಾತ್ರ ಒಬ್ಬಂಟಿ. ಆತ ತನ್ನ ಉಳಿದ ಜೀವಿತಾವಧಿಯನ್ನು ಕೂಡ ಒಬ್ಬಂಟಿಯಾಗಿಯೇ ನಾಲ್ಕು ಗೋಡೆಗಳ ನಡುವೆ ಕಳೆಯಬೇಕು. ಆತನಿಗೆ ಯಾವುದೇ ಕೆಲಸ ಕೊಡಲ್ಲ. ಇದರ ಹಿಂದೆ ಭದ್ರತಾ ಕಾರಣಗಳು ಕೂಡ ಇದೆ ಎಂದು ಜೈಲಾಧಿಕಾರಿ ಸಂದೀಪ್‌ ಗೊಯೆಲ್‌ ತಿಳಿಸಿದ್ದಾರೆ.
ಈ ಪ್ರಕರಣದ ತನಿಖೆ ಹಾಗೂ ಮಲಿಕ್‌ಗೆ ಶಿಕ್ಷೆ ಕೊಡಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ ಎನ್‌ಐಎ ಅಧಿಕಾರಿಗಳ ತಂಡವನ್ನು ಮುನ್ನಡೆಸಿದವರು 1996ನೇ ಬ್ಯಾಚ್‌ನ ಐಪಿಎಸ್‌ ಅಧಿಕಾರಿ ಅನಿಲ್‌ ಶುಕ್ಲಾ. ಅವರಿಗೆ ಎನ್‌ಐಎ ನಿರ್ದೇಶಕ ಶರದ್‌ ಕುಮಾರ್‌ ಕೂಡ ಬೆಂಬಲವಾಗಿ ನಿಂತಿದ್ದರು.
ಕೋರ್ಟ್‌ ತೀರ್ಪಿನ ಬಗ್ಗೆ ಪ್ರತಿಕ್ರಿಯಿಸಿರುವ ಶುಕ್ಲಾಅವರು, ''ಮಲಿಕ್‌ಗೆ ಜೀವಾವಧಿ ಶಿಕ್ಷೆಯ ತೀರ್ಪು ನಮ್ಮ ಶ್ರಮಕ್ಕೆ ಸಿಕ್ಕ ಪ್ರತಿಫಲ. ಆತ ತನ್ನ ತಪ್ಪನ್ನು ಒಪ್ಪಿಕೊಳ್ಳುವ ನಾಟಕ ಮಾಡಿ, ಕಠಿಣ ಶಿಕ್ಷೆಯಿಂದ ಪಾರಾಗಲು ಯತ್ನಿಸಿದ್ದ. ಆದರೆ, ಮಲಿಕ್‌ಗೆ ಸಿಕ್ಕಿರುವ ಕಠಿಣ ಶಿಕ್ಷೆಯು, ದೇಶ ದ್ರೋಹಿ ಕೆಲಸಗಳಲ್ಲಿ ನಿರತರಾಗಿರುವವರಿಗೆ ಖಡಕ್‌ ಎಚ್ಚರಿಕೆ ಸಂದೇಶವಾಗಿದೆ,'' ಎಂದಿದ್ದಾರೆ.
ಕಾಶ್ಮೀರ ಕಣಿವೆಯಲ್ಲಿ ಭದ್ರತಾ ಪಡೆಗಳ ಮೇಲೆ ಪ್ರತ್ಯೇಕತಾವಾದಿಗಳಿಂದ ನಡೆಯುತ್ತಿದ್ದ ಕಲ್ಲು ತೂರಾಟವನ್ನು ಅಂತ್ಯಗೊಳಿಸುವಲ್ಲಿ ಕೂಡ ಶುಕ್ಲಾ ಪ್ರಮುಖ ಪಾತ್ರವಹಿಸಿದ್ದರು. ಪ್ರತ್ಯೇಕತಾವಾದಿಗಳು ಕಾಶ್ಮೀರಿ ಯುವಕರಿಗೆ ಕಲ್ಲುಎಸೆಯಲು ನೀಡುತ್ತಿದ್ದ ಹಣಕ್ಕೆ ಅಂಕುಶ ಹಾಕಿದ್ದರು.
ಪ್ರತಿಭಟನಾಕಾರರ ಬಂಧನ
ಯಾಸಿನ್ ಮಲಿಕ್‌ಗೆ ಜೀವಾವಧಿ ಶಿಕ್ಷೆ ಪ್ರಕಟವಾದ ಕೂಡಲೇ ಜಮ್ಮು ಮತ್ತು ಕಾಶ್ಮೀರದ ಶ್ರೀನಗರದಲ್ಲಿ ಪ್ರತಿಭಟನೆ ಮೂಲಕ ಹಿಂಸಾಚಾರಕ್ಕೆ ಪ್ರಚೋದಿಸಿದ ಆರೋಪದ ಮೇರೆಗೆ 10 ಮಂದಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಬುಧವಾರ ರಾತ್ರೋರಾತ್ರಿ ಆರೋಪಿಗಳ ಮನೆಗಳ ಮೇಲೆ ರೇಡ್‌ ನಡೆಸಿ ಪೊಲೀಸರು ಬಂಧಿಸಿದ್ದಾರೆ. ಈ ಮೂಲಕ ದೊಡ್ಡ ಮಟ್ಟದ ಹಿಂಸಾಚಾರದ ಸಂಚನ್ನು ವಿಫಲಗೊಳಿಸಿದ್ದಾರೆ. ಲಾಲ್‌ ಚೌಕ್‌ನಿಂದ ಸ್ವಲ್ಪವೇ ದೂರದಲ್ಲಿರುವ ಯಾಸಿನ್ ನಿವಾಸದ ಎದುರು ಜಮಾಯಿಸಿದ್ದ ಪ್ರತಿಭಟನಾಕಾರರು , ಮಲಿಕ್ ಸ್ನೇಹಿತರು ದೇಶ ವಿರೋಧಿ ಘೋಷಣೆಗಳನ್ನು ಕೂಡ ಕೂಗಿದ್ದಾರೆ.
ಕೆಲಸ ಕೊಡದೇ ಒಬ್ಬಂಟಿ ಶಿಕ್ಷೆ
ತಿಹಾರ್ ಜೈಲು ಪಾಲಾಗಿರುವ ಯಾಸಿನ್ ಮಲಿಕ್‌ನನ್ನು ಏಳನೇ ಕೊಠಡಿಯಲ್ಲಿಒಬ್ಬಂಟಿಯಾಗಿ ಇರಿಸಲಾಗಿದೆ. ಒಟ್ಟು 13 ಸಾವರ ಕೈದಿಗಳಿರುವ ತಿಹಾರ್ ಜೈಲಿನಲ್ಲಿ ಮಲಿಕ್ ಮಾತ್ರ ಒಬ್ಬಂಟಿ. ಆತ ತನ್ನ ಉಳಿದ ಜೀವಿತಾವಧಿಯನ್ನು ಕೂಡ ಒಬ್ಬಂಟಿಯಾಗಿಯೇ ನಾಲ್ಕು ಗೋಡೆಗಳ ನಡುವೆ ಕಳೆಯಬೇಕು. ಆತನಿಗೆ ಯಾವುದೇ ಕೆಲಸ ಕೊಡಲ್ಲ. ಇದರ ಹಿಂದೆ ಭದ್ರತಾ ಕಾರಣಗಳು ಕೂಡ ಇದೆ ಎಂದು ಜೈಲಾಧಿಕಾರಿ ಸಂದೀಪ್‌ ಗೊಯೆಲ್‌ ತಿಳಿಸಿದ್ದಾರೆ.