ಪಾಕ್ ಜಪ ಮಾಡುತ್ತಿರುವ ರಾಹುಲ್, ಒವೈಸಿ ಅವರಿಂದ ಬಿಹಾರದ ಕಲ್ಯಾಣ ಸಾಧ್ಯವೇ?: ಯೋಗಿ ಕಿಡಿ!

ಪಾಲಿಗಂಜ್: ಬಿಹಾರ ವಿಧಾನಸಭೆ ಚುನಾವಣೆ ಹಿನ್ನೆಲೆಯಲ್ಲಿ ಸರಣಿ ಸಾರ್ವಜನಿಕ ಸಭೆಗಳನ್ನು ಉದ್ದೇಶಿಸಿ ಮಾತನಾಡುತ್ತಿರುವ ಉತ್ತರಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್, ಎನ್‌ಡಿಎ ಅಭ್ಯರ್ಥಿಗಳ ಪರ ಪ್ರಚಾರ ನಡೆಸುತ್ತಿದ್ದಾರೆ.

ಇಲ್ಲಿನ ಪಾಲಿಗಂಜ್‌ನಲ್ಲಿ ಚುನಾವಣಾ ಪ್ರಚಾರ ಸಭೆ ಉದ್ದೇಶಿಸಿ ಮಾತನಾಡಿದ ಯೋಗಿ ಆದಿತ್ಯನಾಥ್, ಪಾಕಿಸ್ತಾನ ಪರ ಹೇಳಿಕೆ ನೀಡುತ್ತಿರುವ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಹಾಗೂ ಎಐಎಂಐಎಂ ಮುಖ್ಯಸ್ಥ ಅಸಾದುದ್ದೀನ್ ಒವೈಸಿ ಅವರಂತ ನಾಯಕರಿಂದ ಬಿಹಾರದ ಕಲ್ಯಾಣ ಸಾಧ್ಯವಿಲ್ಲ ಎಂದು ಕಿಡಿಕಾರಿದರು.

ರಾಹುಲ್ ಗಾಂದಿ ಹಾಗು ಅಸಾದುದ್ದೀನ್ ಒವೈಸಿ ಪಾಕ್ ಜಪ ಮಾಡುತ್ತಿದ್ದಾರೆ. ಭಾರತವನ್ನು ಪಾಕಿಸ್ತಾನಕ್ಕೆ ಹೋಲಿಕೆ ಮಾಡಿ ಹೇಳಿಕೆಗಳನ್ನು ನೀಡುತ್ತಿದ್ದಾರೆ. ಇಂತಹವರ ಕೈಗೆ ಅಧಿಕಾರ ಸಿಕ್ಕರೆ ರಾಜ್ಯದ ಗತಿ ಏನಾಗಲಿದೆ ಎಂಬುದನ್ನು ಊಹಿಸಿ ಎಂದು ಯೋಗಿ ಆದಿತ್ಯನಾಥ್ ಮತದಾರರಲ್ಲಿ ಮನವಿ ಮಾಡಿದರು.

ಒಂದು ಭಾರತ, ಶ್ರೇಷ್ಠ ಭಾರತ ಘೋಷಣೆಯೊಂದಿಗೆ ಬಿಹಾರದಲ್ಲಿ ಯೋಗಿ ಪ್ರಚಾರ ಆರಂಭ!

ದೇಶದ ಗಡಿಯೊಳಗೆ ಉಗ್ರರನ್ನು ನೂಕುತ್ತಿರುವ ಪಾಕಿಸ್ತಾನದ ಪರ ಮಾತನಾಡುವುದು ದೇಶದ್ರೋಹವಲ್ಲದೇ ಬೇರೆನೂ ಅಲ್ಲ, ಇಂತಹ ರಾಜಕೀಯ ನಾಯಕರು ಅಧಿಕಾರ ಪಡೆದರೆ ಅದು ದೇಶಕ್ಕೆ ಮಾರಕವಾಗಿ ಪರಿಣಮಿಸಲಿದೆ ಎಂದು ಯೋಗಿ ಆದಿತ್ಯನಾಥ್ ಎಚ್ಚರಿಸಿದರು.


ಬಿಹಾರದಲ್ಲಿ ಮಾರಕ ಕೊರೊನಾ ವೈರಸ್ ಹಾವಳಿ ತಗ್ಗಿಸುವ ನಿಟ್ಟಿನಲ್ಲಿ ಮುಖ್ಯಮಂತ್ರಿ ನಿತೀಶ್ ಕುಮಾರ್ ನೇತೃತ್ವದ ರಾಜ್ಯ ಸರ್ಕಾರ ಪ್ರಾಮಾಣಿಕ ಪ್ರಯತ್ನ ಮಾಡುತ್ತಿದೆ. ಆದರೆ ಕಾಂಗ್ರೆಸ್-ಆರ್‌ಜೆಡಿ ಪಕ್ಷಗಳು ರಾಜ್ಯದಲ್ಲಿ ಕಮ್ಯೂನಿಸ್ಟ್ ಪ್ರಭಾವ ಹೆಚ್ಚುವಂತೆ ಹುನ್ನಾರ ನಡೆಸಿವೆ. ಕಮ್ಯೂನಿಸ್ಟ್ ಸಿದ್ಧಾಂತ ಕೊರೊನಾಗಿಂತ ಭೀಕರ ಎಂಬುದು ಬಿಹಾರ ಜನತೆಗೆ ಗೊತ್ತಿದೆ ಎಂದು ಯೋಗಿ ಆದಿತ್ಯನಾಥ್ ಹರಿಹಾಯ್ದರು.

ನಿತೀಶ್‌ ಪರ ಮೋದಿ ಬ್ಯಾಟಿಂಗ್: ಬಿಹಾರದಲ್ಲಿ 12 ಸಾರ್ವಜನಿಕ ಸಭೆ ಉದ್ದೇಶಿಸಿ ಮಾತನಾಡಲಿದ್ದಾರೆ ಪ್ರಧಾನಿ!

ಯೋಗಿ ಆದಿತ್ಯನಾಥ್ ಆರು ದಿನಗಳಲ್ಲಿ ಬಿಹಾರದ ಒಟ್ಟು 18 ಕಡೆಗಳಲ್ಲಿ ಚುನಾವಣಾ ಪ್ರಚಾರ ಸಭೆಗಳನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ.