ಪೌರತ್ವ ಕಾಯಿದೆ ವಿಚಾರ: ಜಟಾಪಟಿಗೆ ಬಿದ್ದ ಇಬ್ಬರು ಬಾಲಿವುಡ್‌ ನಟರು! ಯಾರವರು?

ಹೊಸದಿಲ್ಲಿ: ಕೇಂದ್ರ ಸರಕಾರ ಜಾರಿಗೊಳಿಸಿರುವ ಸಿಎಎ, ಎನ್‌ಆರ್‌ಸಿ, ಎನ್‌ಪಿಆರ್‌ ಕುರಿತಂತೆ ದೇಶವ್ಯಾಪಿ ಪ್ರತಿಭಟನೆ ನಡೆಯುತ್ತಿದೆ. ಈ ವಿರೋಧಕ್ಕೆ ಬಾಲಿವುಡ್‌ ನಟರೂ ಪ್ರವೇಶ ಪಡೆದಿದ್ದಾರೆ. ಇದೀಗ ಇಬ್ಬರು ಬಾಲಿವುಡ್‌ ನಟರು ಸಿಎಎ ಪರ ಮತ್ತು ವಿರೋಧವಾಗಿ ಜಟಾಪಟಿಗೆ ಬಿದ್ದಿದ್ದಾರೆ.



ಇತ್ತೀಚೆಗಷ್ಟೇ ಬಾಲಿವುಡ್‌ ನಟ ನಾಸಿರುದ್ಧೀನ್‌ ಶಾ ಅವರು ಕೇಂದ್ರ ಸರಕಾರ ಜಾರಿಗೆ ತಂದಿರುವ ಕಾನೂನುಗಳು ನನ್ನಲ್ಲಿ ಕತೂಹಲು ಮೂಡಿಸಿಲ್ಲ ಬದಲಿಗೆ ಸಿಟ್ಟು ತರಿಸಿವೆ ಎಂಬ ಹೇಳಿಕೆ ನೀಡಿದ್ದರು ( ದಿ ವೈರ್‌ ಮಾಧ್ಯಮಕ್ಕೆ ನೀಡಿದ ಸಂದರ್ಶನದಲ್ಲಿ). ಅಲ್ಲದೆ ಬಾಲಿವುಡ್‌ನ ಮತ್ತೊಬ್ಬ ಖ್ಯಾತ ನಟ ಅನುಪಮ್‌ ಖೇರ್‌ ಅವರು ಸಿಎಎ ಕುರಿತು ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಕಟಿಸಿದ್ದ ಪೋಸ್ಟ್‌ ಕುರಿತೂ ಪ್ರಸ್ತಾಪಿಸಿದ್ದರು.



ಇದಕ್ಕೆ ಅನುಪಮ್‌ ಖೇರ್‌ ಅವರು ಪ್ರತಿಕ್ರಿಯಿಸಿದ್ದು, ನಾಸಿರುದ್ಧಿನ್‌ ಶಾ ಅವರು ಯಶಸ್ವಿ ವೃತ್ತಿಬದುಕು ಹೊಂದಿದ್ದರೂ, ಹತಾಶೆಯ ಬದುಕು ಸಾಗಿಸುತ್ತಿದ್ದಾರೆ. ನಾನು ನಿಮ್ಮ ಮಾತುಗಳನ್ನು ಗಂಭೀರವಾಗಿ ತೆಗೆದುಕೊಳ್ಳುವುದಿಲ್ಲ ಎಂದು ಟ್ವೀಟ್‌ ಮಾಡಿದ್ದಾರೆ.