ವಿಶ್ವದ ಪ್ರಭಾವಿ ನಾಯಕನನ್ನಾಗಿಸಿದ್ದು ನರೇಂದ್ರ ಮೋದಿ ವಿಭಿನ್ನ ನಡೆ

ಪ್ರಧಾನಿ ನರೇಂದ್ರ ಮೋದಿ ಸೆಪ್ಟಂಬರ್‌ 17, 1950ರಲ್ಲಿ ಜನ್ಮಿಸಿದ್ದಾರೆ. ರಾಜಕೀಯ ಶಾಸ್ತ್ರದಲ್ಲಿ ಎಂಎ ಶಿಕ್ಷಣ ಹೊಂದಿರುವ ಮೋದಿ ಗುಜರಾತ್‌ ಮುಖ್ಯಮಂತ್ರಿಯಾಗಿ ಅಕ್ಟೋಬರ್‌ 7, 2001ರಿಂದ ಮೇ 22, 2014ರ ವರೆಗೆ ಕರ್ತವ್ಯ ನಿರ್ವಹಿಸಿದ್ದಾರೆ. ಮೂರು ಬಾರಿ ಸತತವಾಗಿ ಗುಜರಾತ್‌ ಸಿಎಂ ಆದ ಮೋದಿ ಮೇ 26, 2014ರಂದು ಭಾರಿ ಬಹುಮತದೊಂದಿಗೆ ಕೇಂದ್ರದಲ್ಲಿ ಸರಕಾರ ರಚಿಸಿ ಮೊದಲ ಬಾರಿಗೆ ಪ್ರಧಾನಿ ಹುದ್ದೆ ಅಲಂಕರಿಸಿದರು. ಇದೀಗ ಸತತ ಎರಡನೇ ಬಾರಿಗೆ ಮೇ 30, 2019ರಂದು ಪ್ರಧಾನಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದರು.

ಭಾರತದ 15ನೇ ಪ್ರಧಾನಿಯಾಗಿ ಮೇ 30, 2019ರಂದು ಪ್ರಮಾಣ ವಚನ ಸ್ವೀಕರಿಸಿದ ಜಗತ್ತಿನ ಪ್ರಭಾವಿ ನಾಯಕ, 2019ರ ಲೋಕಸಭಾ ಚುನಾವಣೆಯಲ್ಲಿ ಎನ್‌ಡಿಎ ಮಿತ್ರಕೂಟದ ಅಪೂರ್ವ ವಿಜಯದ ರೂವಾರಿ ನರೇಂದ್ರ ದಾಮೋದರ ದಾಸ್‌ ಮೋದಿ ಅವರ ವಿಭಿನ್ನ ನಡೆಗಳೇ ಅವರನ್ನು ಶ್ರೇಯಸ್ಸಿನೆಡೆಗೆ ಕೊಂಡೊಯ್ದಿತು.

ಮಹಾತ್ಮ ಗಾಂಧಿ ಅವರ ಹೆಸರಿನಲ್ಲಿ ಸ್ವಚ್ಛ ಭಾರತ, ಸರ್ದಾರ್‌ ವಲ್ಲಭಬಾಯಿ ಪಟೇಲ್‌ ಅವರ ಬೃಹತ್‌ ಪ್ರತಿಮೆ ಸ್ಥಾಪನೆ ಮೂಲಕ ಕಾಂಗ್ರೆಸ್‌ ಮೂಲದ ಕಣ್ಮಣಿಗಳಿಗೂ ಗೌರವ ನೀಡುವ ಮೂಲಕ ಎಲ್ಲಾ ವರ್ಗದ ಜನರ ಕಣ್ಮಣಿಯಾಗಿ ಪ್ರತಿಬಿಂಬಗೊಂಡರು.