ಬುಲೆಟ್‌ ಸವಾರಿ

ವಿಮಾನ ಪ್ರಯಾಣಕ್ಕಿಂತ ಅಗ್ಗದಲ್ಲಿ, ಎರಡೇ ಗಂಟೆಯಲ್ಲಿ ಮುಂಬಯಿನಿಂದ ಸಾಬರಮತಿ ಪ್ರಯಾಣಿಸುವ ಸುವರ್ಣಾವಕಾಶ ಭಾರತೀಯರಿಗೆ ಸಿಗಲಿದೆ. ಪ್ರಧಾನಿ ನರೇಂದ್ರ ಮೋದಿ ಜಪಾನ್ ಪ್ರಧಾನಿ ಶಿಂಜೋ ಅಬೆ ಜತೆ ಸೇರಿ ಈ ಅದ್ಭುತ ಜಾದೂ ಸಂಚಾರದ ಯೋಜನೆಗೆ ಗುರುವಾರ ಚಾಲನೆ ನೀಡಲಿದ್ದಾರೆ. ಹಾಗೆ ನೋಡಿದರೆ, ಜಪಾನ್‌ನಲ್ಲಿ ಬುಲೆಟ್ ರೈಲಿನಿಂದ ಸಂಭವಿಸಿದ ಅಪಘಾತಗಳ ಸಂಖ್ಯೆ ತೀರ ಕಡಿಮೆ. ಹಾಗಾಗಿ ಅಪಘಾತ ಮುಕ್ತ ರೈಲು ಸೇವೆ ಒದಗಿಸಬೇಕು ಎಂಬ ಕೇಂದ್ರ ಸರಕಾರದ ಮಹತ್ವಾಕಾಂಕ್ಷೆಗೆ ಶಿಂಕಾನ್ ಸೆನ್‌ತಂತ್ರಜ್ಞಾನ ಬಲ ನೀಡಿದೆ.