ಲೋಕಸಭೆ ಚುನಾವಣೆಯಲ್ಲಿ ಭಾರತೀಯ ರೈಲ್ವೆಯ ಹೈಸ್ಪೀಡ್‌ ಅಭಿವೃದ್ಧಿಯ ಫಲ ಯಾರಿಗೆ?

ಈಗಾಗಲೇ ಚುನಾವಣಾ ನೀತಿ ಆಯೋಗವು ಲೋಕಸಭೆ ಚುನಾವಣೆ 2019ರ ಮತದಾನ ದಿನಾಂಕಗಳನ್ನು ಘೋಷಿಸಿದೆ. ಚುನಾವಣೆಗೆ ಇರುವ ಅಲ್ಪವಧಿಯಲ್ಲಿ ಮತದಾರರನ್ನು ಸೆಳೆಯಲು ಹಲವು ಬಗೆಗಳಲ್ಲಿ ಪ್ರಯತ್ನ ನಡೆಸುತ್ತಿದೆ. ಆಡಳಿತ ಪಕ್ಷಗಳು ಅಧಿಕಾರಾವಧಿಯಲ್ಲಿ ತೆಗೆದುಕೊಂಡ ಉತ್ತಮ ಯೋಜನೆಗಳನ್ನು ಮತದಾರರಿಗೆ ತಲುಪಿಸುವ ಪ್ರಯತ್ನ ಮಾಡುತ್ತಿದ್ದರೆ, ಪ್ರತಿಪಕ್ಷಗಳು ಆಡಳಿತ ಪಕ್ಷದ ವೈಫಲ್ಯಗಳನ್ನು ಎತ್ತಿ ತೋರಿಸುತ್ತಿವೆ.

ಈ ಬಾರಿಯ ಚುನಾವಣೆ ವಿಚಾರವಾಗಿ ಭಾರತೀಯ ರೈಲ್ವೆ ಸದ್ದು ಮಾಡುತ್ತಿದೆ. ರೈಲ್ವೆ ಹಳಿಗಳ ಪರಿವರ್ತನೆಯಿಂದ ಸ್ವದೇಶಿ ನಿರ್ಮಿತ ಸೆಮಿ-ಹೈಸ್ಪೀಡ್‌ ರೈಲು ವಂದೇ ಭಾರತ್‌ ಎಕ್ಸ್‌ಪ್ರೆಸ್‌ ತನಕ ನಾನಾ ಸಾಧನೆಗಳನ್ನು ಎನ್‌ಡಿಎ ತನ್ನ ಸಾಧನೆಗಳ ಪಟ್ಟಿಯಲ್ಲಿ ಸೇರಿಸಿಕೊಂಡಿದೆ. ಆದರೆ ರೈಲುಗಳು ಸಕಾಲಕ್ಕೆ ಸಂಚರಿಸುತ್ತಿಲ್ಲ ಎಂಬ ಚಕಾರವನ್ನು ಪ್ರತಿಪಕ್ಷಗಳು ಎತ್ತಿವೆ. ವಂದೇ ಭಾರತ್‌ ಎಕ್ಸ್‌ಪ್ರೆಸ್‌ ರೈಲು ಸಂಚಾರ ಆರಂಭಿಸಿದ ಎರಡನೇ ದಿನಕ್ಕೆ ಅಡಚಣೆ ಎದುರಿಸಿದ್ದನ್ನು ಕಟುವಾಗಿ ಟೀಕಿಸಲಾಗಿತ್ತು. ಇದು ಮೇಕ್‌ ಇನ್‌ ಇಂಡಿಯಾ ವೈಫಲ್ಯ ಎಂದು ಆರೋಪಿಸಿದ್ದವು.