ಚುನಾವಣೆಯಲ್ಲಿ ವಿಶ್ವಮಾನ್ಯತೆಯ ಯೋಗಾ'ಯೋಗ' ಯಾರಿಗೆ?

ಭಾರತದ ಪ್ರಾಚೀನ ಯೋಗಭ್ಯಾಸಕ್ಕೆ ವಿಶ್ವ ಮಾನ್ಯತೆ ಕಲ್ಪಿಸಿದ್ದು ತನ್ನ ಸಾಧನೆಗಳ ಪೈಕಿ ಒಂದು ಎಂದು ಬಿಜೆಪಿ ಹೇಳಿಕೊಂಡಿದೆ. ಆದರೆ ಎನ್‌ಡಿಎ ಅಧಿಕಾರಕ್ಕೆ ಬರುವುದರಕ್ಕಿಂತ ಮೊದಲೇ ಭಾರತ ಯೋಗದಲ್ಲಿ ವಿಶ್ವಮಾನ್ಯತೆ ಪಡೆದಿತ್ತು ಎಂದು ಪ್ರತಿಪಕ್ಷಗಳು ಎಂದು ಪ್ರತಿಪಾದಿಸಿವೆ. ರಾಷ್ಟ್ರದಲ್ಲಿ ಯುವಕರು ಉದ್ಯೋಗವಿಲ್ಲದೆ ಪರಿತಪಿಸುತ್ತಿರುವ ಸಂದರ್ಭದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಯೋಗ ಮಾಡಿ ಎಂದು ಹೇಳುತ್ತಿದ್ದಾರೆ ಎಂದು ಪ್ರತಿಪಕ್ಷಗಳು ಕುಟುಕುತ್ತಿವೆ.

ಈ ನಡುವೆ ಅವನತಿಯ ಹಾದಿಯಲ್ಲಿದ್ದ ಸಾಂಪ್ರದಾಯಿಕ ಖಾದಿ ಉಡುಪು ಮತ್ತು ಕೈಮಗ್ಗದ ಉತ್ಪನ್ನಗಳ ವಲಯಕ್ಕೆ ವಿನೂತನ ಪ್ರಯೋಗ, ಯೋಜನೆಗಳ ಮೂಲಕ ಕಾಯಕಲ್ಪವನ್ನು ಒದಗಿಸಿದ್ದು ಎನ್‌ಡಿಎ ಸರಕಾರ ಎಂದು ಬಿಜೆಪಿಗರು ಹೆಮ್ಮೆಯಿಂದ ಹೇಳಿಕೊಳ್ಳುತ್ತಿದ್ದಾರೆ. ಖಾದಿ ಮತ್ತು ಗ್ರಾಮೋದ್ಯೋಗ ಮಂಡಳಿಯ ಡೈರಿ ಮತ್ತು ಕ್ಯಾಲೆಂಡರ್‌ನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರ ಭಾವ ಚಿತ್ರ ಬಳಕೆ ಮಾಡಿದ್ದನ್ನು ಕಾಂಗ್ರೆಸ್‌ ಟೀಕಿಸಿದೆ.