ಮಾನವ ಹಕ್ಕು ಹೋರಾಟಗಾರರಿಗೆ ಭಾರತ ಅಸುರಕ್ಷಿತ?

ಪರಿಸರ ಸಂರಕ್ಷಣೆಗಾಗಿ, ಮಾನವ ಹಕ್ಕುಗಳ ಪರವಾಗಿ ಹೋರಾಟ ನಡೆಸುತ್ತಿರುವವರ ಹತ್ಯೆ ಪ್ರಕರಣಗಳು ಇತ್ತೀಚೆಗೆ ಹೆಚ್ಚುತ್ತಿವೆ. 1998ರಿಂದ ಇಲ್ಲಿಯವರೆಗೆ 3,500 ಮಾನವ ಹಕ್ಕುಗಳ ಹೋರಾಟಗಾರರ ಹತ್ಯೆ ನಡೆದಿದೆ ಎಂದು ಅಮ್ನೇಷ್ಟಿ ಇಂಟರ್‌ನ್ಯಾಷನಲ್‌ ವರದಿ ಮಾಡಿದೆ. ಜೀವ ಪರ ಕಳಕಳಿಯುಳ್ಳ ಹೋರಾಟಗಾರರ ಹತ್ಯೆಗಳಾಗುತ್ತಿರುವುದು ಕಳವಳಕಾರಿ ವಿಚಾರ. ಭಾರತದಲ್ಲಿ ಕಳೆದ ವರ್ಷ 16 ಪರಿಸರ ಸಂರಕ್ಷಣಾ ಹೋರಾಟಗಾರರ ಹತ್ಯೆ ನಡೆಸಲಾಗಿದೆ. ಇತ್ತೀಚೆಗೆ ಕೊಲೆಯಾದ ಎಡಚಿಂತನೆ ಹೊಂದಿದ್ದ ಪತ್ರಕರ್ತೆ ಗೌರಿ ಲಂಕೇಶ್‌ ಅವರ ಹತ್ಯೆ ಪ್ರಕರಣವನ್ನು ವಿಚಾರವಾದದ ಸಂಘರ್ಷ ಎಂದೇ ಬಿಂಬಿಸಲಾಗುತ್ತಿದೆ. ಆದರೆ ಇದುವರೆಗೆ ಹತ್ಯೆ ನಡೆಸಿದವರ ಸುಳಿವು ಸಿಕ್ಕಿಲ್ಲ. ಒಟ್ಟಾರೆಯಾಗಿ ಗಮನಿಸಿದಾಗ ವಿಶ್ವದೆಲ್ಲೆಡೆ ಜೀವಪರ ಹೋರಾಟಗಾರರ ಹತ್ಯೆಗಳಾಗುತ್ತಿರುವುದು ಮುಂದುವರಿದೆ. ಆದರೆ ಭಾರತದಂತಹ ಶಾಂತಿಗೆ ಹೆಸರಾದ ರಾಷ್ಟ್ರದಲ್ಲಿ ಹೋರಾಟಗಾರರಿಗೆ ಅಸುರಕ್ಷಿತ ಎಂಬ ಅಂಶ ಕಳವಳಕಾರಿ ಎಂದೆನಿಸುತ್ತದೆ.