ಅಷ್ಟಕ್ಕೂ ರಾಜಸ್ಥಾನ, ಮಧ್ಯಪ್ರದೇಶ & ಛತ್ತೀಸ್‌ಗಢದಲ್ಲಿ ಬಿಜೆಪಿ ಮಾಡಿದ ಅಭಿವೃದ್ಧಿಗಳೇನು?

ಕೇಂದ್ರ ಸರಕಾರ ರೈತರ ಅಭಿವೃದ್ಧಿಗಾಗಿ ಸಾಕಷ್ಟು ಅನುದಾನ ಮತ್ತು ಯೋಜನೆಗಳನ್ನು ಅನುಷ್ಠಾನಕ್ಕೆ ತಂದಿದೆ ಎಂಬ ಮಾತಿದೆ. ಪ್ರಧಾನಮಂತ್ರಿ ಆವಾಸ್‌ ಯೋಜನೆ, ಪ್ರಧಾನಮಂತ್ರಿ ಗ್ರಾಮೀಣ ಸಡಕ್‌ ಯೋಜನೆ, ಗ್ರಾಮೀಣ ಜನರಿಗೆ ಉದ್ಯೋಗ, ನರೇಗಾ ಮಂಜೂರು, ಗ್ರಾಮೀಣ ಜೀವನೋಪಾಯ ಯೋಜನೆ, ಕೌಶಲ್ಯಾಭಿವೃದ್ಧಿ ಹೀಗೆ ಸಾಕಷ್ಟು ಯೋಜನೆಗಳ ಲಾಭ ಆಯಾ ರಾಜ್ಯದ ಜನರಿಗೆ ಆಗಿದೆ. ಆದರೆ ಬೆಳೆಗಳ ದರದಲ್ಲಿ ಅಸ್ಥಿರತೆಯ ಕುತ್ತು ಬಿಜೆಪಿ ಸೋಲಿಗೆ ಕಾರಣ ಎನ್ನುತ್ತಾರೆ ತಜ್ಞರು.
ರೈತರೇಕೆ ಸರಕಾರಗಳ ಮೇಲೆ ಆಕ್ರೋಶಗೊಂಡಿದ್ದಾರೆ? ಇಲ್ಲಿವೆ 10 ಕಾರಣಗಳು!


ರಾಜಸ್ಥಾನ, ಮಧ್ಯಪ್ರದೇಶ & ಛತ್ತೀಸ್‌ಗಢದ ಕೃಷಿ ಉತ್ಪಾದನೆ, ಜಿಡಿಪಿ ಪಾಲು ಹೇಗಿದೆ?

ದೇಶದ ಜಿಡಿಪಿಯಲ್ಲಿ ಕೃಷಿರಂಗದ ಪಾಲು ಕಡಿಮೆಯಾಗಿದೆ. 1990ರಲ್ಲಿ 29% ಇದ್ದುದು 2016ರಲ್ಲಿ 17%ಕ್ಕಿಳಿದಿದೆ. ಆದರೆ ಈ ವಲಯ ಈಗಲೂ ದೊಡ್ಡ ಪ್ರಮಾಣದ ಉದ್ಯೋಗದ ಮೂಲ. ಕೃಷಿ ಚಟುವಟಿಕೆ ನಡೆಯುತ್ತಿರುವ ಒಟ್ಟಾರೆ ಭೂಮಿಯಲ್ಲಿ 85%ದಷ್ಟು ಭಾಗದಲ್ಲಿ 2 ಹೆಕ್ಟೇರ್‌ಗಳಿಗಿಂತ ಕಡಿಮೆ ಜಮೀನುಳ್ಳವರು ಇದ್ದಾರೆ. ಇವರೇ ಉತ್ಪಾದನೆಯ 45%ನ್ನು ನಿರ್ಧರಿಸುವವರು. 4 ಹೆಕ್ಟೇರ್‌ಗಿಂತ ಹೆಚ್ಚು ಜಮೀನುಳ್ಳವರು 5% ಮಾತ್ರ. ಏಷ್ಯಾದ ಇತರ ದೇಶಗಳಾದ ಚೀನಾ, ವಿಯೆಟ್ನಾಂ, ಥಾಯ್ಲೆಂಡ್‌ಗಳಲ್ಲೂ ಇತರ ಮುಂದುವರಿದ ದೇಶಗಳಿಗೆ ಹೋಲಿಸಿದರೆ ಉತ್ಪಾದಕತೆ ಪ್ರಮಾಣ ಕಡಿಮೆ. ಗೋಧಿ ಮತ್ತು ಅಕ್ಕಿಯ ಪ್ರಮಾಣ ಜಾಗತಿಕ ಉತ್ಪಾದನೆಯ ಸರಾಸರಿಗಿಂತ 3 ಪಟ್ಟು ಕಡಿಮೆ; ಮಾವು, ಬಾಳೆಹಣ್ಣು, ನೀರುಳ್ಳಿ ಮತ್ತು ಆಲೂಗಡ್ಡೆಗಳ ಉತ್ಪಾದನೆ ಪ್ರಮಾಣ ಇತರ ಅತ್ಯಧಿಕ ಉತ್ಪಾದನೆಗಳಿಗೆ ಹೋಲಿಸಿದರೆ ಆರೇಳು ಪಟ್ಟು ಕಡಿಮೆ.