ಮೈಸೂರು ದಸರಾದಿಂದ ಸೃಷ್ಟಿಯಾಗಿದ್ದು 20 ಸಾವಿರಕ್ಕೂ ಹೆಚ್ಚು ತಾತ್ಕಾಲಿಕ ಉದ್ಯೋಗ!

ವಿಶ್ವ ವಿಖ್ಯಾತ ನಾಡ ಹಬ್ಬ ಮೈಸೂರು ದಸರಾ ವೈಭವಯುತವಾಗಿ ತೆರೆ ಕಂಡಿದ್ದು, ಸುಮಾರು 225 ಕೋಟಿ ರೂ.ಗಳಿಗೂ ಹೆಚ್ಚಿನ ವ್ಯವಹಾರ ನಡೆದಿದೆ. ಅಂದಾಜು 20 ಸಾವಿರಕ್ಕೂ ಹೆಚ್ಚು ಮಂದಿಗೆ ತಾತ್ಕಾಲಿಕ ಉದ್ಯೋಗ ಸಿಕ್ಕಿದೆ. 400ಕ್ಕೂ ಹೆಚ್ಚು ಮಳಿಗೆಗಳಲ್ಲಿ ವ್ಯಾಪಾರ ವಹಿವಾಟು ನಡೆದಿದೆ. ಐದು ಸಾವಿರಕ್ಕೂ ಹೆಚ್ಚು ಕಲಾವಿದರಿಗೆ ವೇದಿಕೆ ಸಿಕ್ಕಿದೆ.

ಈ ಮೂಲಕ ಇಂತಹ ಉತ್ಸವಗಳು ಧರ್ಮ ಆಚರಣೆಗಳಿಗಿಂತ ಭಿನ್ನವಾಗಿ ಹೇಗೆ ವ್ಯಾಪಾರ ವಹಿವಾಟುಗಳನ್ನು ಸೃಷ್ಟಿಸುತ್ತವೆ, ಉದ್ಯೋಗಗಳನ್ನು ಸೃಷ್ಟಿಸುತ್ತವೆ, ಕಲಾವಿದರಿಗೆ, ಸಂಗೀತಗಾರರಿಗೆ, ಸಾಹಿತಿಗಳಿಗೆ ವೇದಿಕೆ ಒದಗಿಸುತ್ತದೆ ಎಂಬುದಕ್ಕೆ ಜ್ವಲಂತ ಸಾಕ್ಷಿಯಂತೆ ನಮ್ಮ ಮುಂದಿದೆ. ರಾಜ್ಯ ಸರಕಾರವು ಮೈಸೂರು ದಸರಾಗೆ 18.5 ಕೋಟಿ ರೂ. ಅನುದಾನ ನೀಡಿದೆ. ದಸರಾ ಆಹಾರ ಮೇಳ, ದಸರಾ ವಸ್ತು ಪ್ರದರ್ಶನ, ಫಲಪುಷ್ಪ ಪ್ರದರ್ಶನ ಹೀಗೆ ಹತ್ತು ಹಲವು ವೇದಿಕೆಗಳಿಂದಾಗಿ ಸಾವಿರಾರು ವ್ಯಾಪಾರಿಗಳು, ಕಲಾವಿದರು, ವಾಹನ ಚಾಲಕರಿಗೆ ದಿಲ್‌ ಖುಷ್‌ ಆಗಿದೆ. ಕ್ಯಾಟರಿಂಗ್‌, ಟ್ರಾವೆಲ್‌, ಹೋಟೆಲ್‌ ಉದ್ಯಮ ಹೀಗೆ ಒಟ್ಟಾರೆ ದಸರಾ ಉತ್ಸವದಿಂದ ದೊಡ್ಡ ಪ್ರಮಾಣದ ವ್ಯಾಪಾರ ವಹಿವಾಟು ನಡೆದಿದೆ. ಅದರ ಒಂದಿಷ್ಟು ಅಂಕಿಅಂಶ ಇಲ್ಲಿದೆ.

ಜಂಬೂ ಸವಾರಿ 2019: ನೋಡೋಣ ಬನ್ನಿ, ಗಜಪಡೆ ಹೊತ್ತ ಅಂಬಾರಿ


ವಿಕ ನವರಂಗ್‌: ರಂಗು ರಂಗಿನ ಕಣ್ಮಣಿಗಳ ಚಿತ್ರಗಳಿಂದ ನಾಡಿನ ಉತ್ಸವವಾಯ್ತು!