ನೆಹರು/ಗಾಂಧಿಯ ಮತ್ತೊಂದು ತಲೆಮಾರಿಗೆ ಪಕ್ಷದ ಚುಕ್ಕಾಣಿ

ಕಾಂಗ್ರೆಸ್‌ ಪಕ್ಷವು ಉಪಾಧ್ಯಕ್ಷರಾಗಿದ್ದ ರಾಹುಲ್‌ ಗಾಂಧಿ ಅವರನ್ನು ಅಧ್ಯಕ್ಷ ಸ್ಥಾನದಲ್ಲಿ ಕೂರಿಸಲು ಸಿದ್ಧತೆ ನಡೆಸಿದೆ. ನೆಪ ಮಾತ್ರ ಪಕ್ಷದ ಅಧ್ಯಕ್ಷೀಯ ಚುನಾವಣೆಯ ಬಗ್ಗೆ ಉಸಿರೆತ್ತಿದೆಯಾದರೂ, ಎಲ್ಲ ನಾಮನಿರ್ದೇಶನಗಳು ರಾಹುಲ್‌ ಗಾಂಧಿ ಅವರತ್ತಲೇ ಬೊಟ್ಟು ಮಾಡಿವೆ. ಈ ಹಿನ್ನೆಲೆ ಅವಿರೋಧವಾಗಿ ಕಾಂಗ್ರೆಸ್‌ ಅಧ್ಯಕ್ಷರಾಗಿ ನೆಹರು/ಗಾಂಧಿ ಕುಟುಂಬದ 5ನೇ ವ್ಯಕ್ತಿಯಾಗಿ ಆಯ್ಕೆಗೊಳ್ಳಲಿದ್ದಾರೆ. 1998ರಲ್ಲಿ ಕಾಂಗ್ರೆಸ್‌ ಅಧ್ಯಕ್ಷೆಯಾಗಿದ್ದ ಸೋನಿಯಾ ಗಾಂಧಿ ಬರೋಬ್ಬರಿ 19 ವರ್ಷಗಳ ಕಾಲ ಪಕ್ಷದ ಚುಕ್ಕಾಣಿ ಹಿಡಿಯುವ ಮೂಲಕ ಅತಿಹೆಚ್ಚು ವರ್ಷ ಅಧ್ಯಕ್ಷರಾದ ದಾಖಲೆಗೆ ಪಾತ್ರರಾಗಿದ್ದಾರೆ. ಅತ್ತ ಪಕ್ಷದ ಅಧ್ಯಕ್ಷರಾಗಿಯೂ, ಇತ್ತ ರಾಷ್ಟ್ರದ ಪ್ರಧಾನ ಮಂತ್ರಿಯಾಗಿಯೂ ನೆಹರು/ಗಾಂಧಿ ಕುಟುಂಬದ ಅಧಿಕಾರ ಚಲಾವಣೆಯ ಅವಧಿಯತ್ತ ಕಣ್ಣು ಹಾಯಿಸಿದಾಗ ಕಂಡುಬಂದಿದಿಷ್ಟು.