ರೈತರ ಕಣ್ಣಲ್ಲಿ ನೀರು ತರಿಸುತ್ತಿದೆ ಕಾಳು ಮೆಣಸು ದರ

ರೈತ ವಲಯದಲ್ಲಿ ಕೇಳುತ್ತಿರುವ ಮಾತೊಂದೇ 'ಮೆಣಸು ಕೇಳೋರೇ ಇಲ್ಲ'!. ಹೌದು, ವಾಸ್ತವದಲ್ಲಿ ಕಾಳು ಮೆಣಸು ದರ ಕಳೆದ ದಶಕದಲ್ಲಿಯೇ ಕನಿಷ್ಠ ಮಟ್ಟಕ್ಕೆ ಇಳಿದಿದೆ. ಇದೇ ಸಂದರ್ಭ ಏಲಕ್ಕಿ ದರ ಕೇಳಿದರೆ ಅಚ್ಚರಿಯಾಗುತ್ತದೆ. ಪ್ರತಿ ಕೆ.ಜಿ. ಏಲಕ್ಕಿ ದರ 2,500 ರೂ. ದಾಟಿದೆ. ಪ್ರತಿ ಕೆ.ಜಿ. ಕಾಳು ಮೆಣಸು 300 ರೂ.ಗೆ ಮಾರಾಟಗೊಂಡರೆ ಅದೇ ಹೆಚ್ಚು ಎಂಬಂತಾಗಿದೆ.

ಇನ್ನೇನು ಡಿಸೆಂಬರ್‌ನಲ್ಲಿ ಹೊಸ ಫಸಲು ಬರುತ್ತದೆ. ಈಗಲೇ ಕನಿಷ್ಠ ದರಕ್ಕೆ ಕುಸಿದಿರುವ ಕಾಳು ಮೆಣಸು ದರ ಪಾತಾಳಕ್ಕೆ ಇಳಿಯುವ ಖಂಡಿತ ಎಂದು ಬೆಳೆಗಾರರು ಆತಂಕಕ್ಕೆ ಒಳಗಾಗಿದ್ದಾರೆ. ಉತ್ತಮ ದರ ಬರುತ್ತದೆ ಎಂದು ಮಗಳ ಮದುವೆಗೋ, ಮಕ್ಕಳ ಶಿಕ್ಷಣಕ್ಕೋ ಎಂದು ಗೋಡನ್‌ನಲ್ಲಿ ತೆಗೆದಿರಿಸಿದ ಮೂಟೆ ಕಾಳು ಮೆಣಸನ್ನು ಇಟ್ಟುಕೊಳ್ಳಲು ಆಗದೆ, ಈಗಿರುವ ಕನಿಷ್ಠ ದರಕ್ಕೆ ಮಾರಾಟ ಮಾಡಲು ಮನಸ್ಸಾಗದೆ ಪರಿತಪಿಸುವ ಸ್ಥಿತಿ ರೈತರದ್ದಾಗಿದೆ.

ಕಾಳು ಮೆಣಸಿನ ದರ ಕುಸಿಯಲು ಕಾರಣವೇನು? ಬೇರೆ ರಾಷ್ಟ್ರಗಳಲ್ಲಿ ಕಾಳು ಮೆಣಸಿಗೆ ಎಷ್ಟು ದರ ಇದೆ? ಕೇಂದ್ರ ಸರಕಾರ ಸಹಿ ಮಾಡಲು ತುದಿಗಾಲಲ್ಲಿ ನಿಂತಿರುವ ಆರ್‌ಸಿಇಪಿ ಒಪ್ಪಂದದಿಂದ ಕಾಳು ಮೆಣಸು ಬೆಳೆಗಾರರ ಮೇಲೆ ಯಾವ ರೀತಿ ಪರಿಣಾಮ ಬೀರಲಿದೆ? ಇಲ್ಲಿದೆ ಸಂಕ್ಷಿಪ್ತ ವಿವರ.