ಕಲಬುರಗಿಯಲ್ಲಿ ಮತ್ತೆ ಮೂವರಿಗೆ ಕೊರೊನಾ ಸೋಂಕು ಪತ್ತೆ: ಸೋಂಕಿತರ ಸಂಖ್ಯೆ 188ಕ್ಕೆ ಏರಿಕೆ

ಕಲಬುರಗಿ: ಜಿಲ್ಲೆಯಲ್ಲಿ ಗುರುವಾರ ಮತ್ತೆ ಮೂವರಲ್ಲಿ ಕೊರೊನಾ ಸೋಂಕು ಪತ್ತೆಯಾಗಿದ್ದು, ಇವರೆಲ್ಲರೂ ಮುಂಬೈ ನಗರದಿಂದ ಇತ್ತೀಚೆಗೆ ಜಿಲ್ಲೆಗೆ ಹಿಂದಿರುಗಿದವರಾಗಿದ್ದಾರೆ ಎಂದು ತಿಳಿದು ಬಂದಿದೆ. ಇದರಿಂದಾಗಿ ಜಿಲ್ಲೆಯಾದ್ಯಂತ ಕೊರೊನಾ ಸೋಂಕಿತರ ಸಂಖ್ಯೆ 188ಕ್ಕೆ ಏರಿಕೆಯಾಗಿದೆ.

30 ವರ್ಷದ ಮಹಿಳೆಯರಾದ ಪಿ-2422 ಮತ್ತು ಪಿ-2492 ಹಾಗೂ 9 ವರ್ಷದ ಬಾಲಕ ಪಿ-2493 ಸೋಂಕಿಗೆ ಒಳಗಾದವರು ಎಂದು ರಾಜ್ಯ ಕೋವಿಡ್ ಬುಲೆಟಿನ್ ತಿಳಿಸಿದೆ.
ರಾಜ್ಯದಲ್ಲಿ ತುಸು ತಣ್ಣಗಾದ ಕೊರೊನಾ, 75 ಹೊಸ ಪ್ರಕರಣ, ಉಡುಪಿಯಲ್ಲಿ 27 ಪಾಸಿಟಿವ್‌

ಜಿಲ್ಲೆಯಲ್ಲಿ ಈವರೆಗೆ ಕೊರೊನಾ ಸೋಂಕಿನಿಂದ ಏಳು ಮಂದಿ ಮೃತಪಟ್ಟಿದ್ದಾರೆ. ಮುಂಬೈ ಮಹಾನಗರಕ್ಕೆ ಹೊಟ್ಟೆಪಾಡಿಗಾಗಿ ಗುಳೆ ಹೋಗಿದ್ದ ಸುಮಾರು ಒಂದುವರೆ ಲಕ್ಷ ವಲಸೆ ಕಾರ್ಮಿಕರ ಪೈಕಿ ಈಗಾಗಲೇ 32,500ಕ್ಕೂ ಹೆಚ್ಚು ಮಂದಿ ಜಿಲ್ಲೆಯ ವಿವಿಧ ಸರಕಾರಿ ಕ್ವಾರಂಟೈನ್ ಕೇಂದ್ರಗಳಲ್ಲಿ ಇದ್ದಾರೆ. ಇನ್ನೂ ಇವರೆಲ್ಲರ ಲ್ಯಾಬ್ ಪರೀಕ್ಷೆ ನಡೆಯುವುದು ಬಾಕಿ ಉಳಿದಿದೆ‌. ಒಂದೊಮ್ಮೆ ಇಷ್ಟೊಂದು ಬೃಹತ್ ಸಮೂಹದ ಆಯ್ಕೆಯಾಧರಿತ (Random) ತಪಾಸಣೆ ಪೂರ್ಣಗೊಂಡ ಬಳಿಕವೇ ಇನ್ನೂ ಹೆಚ್ಚು ಪ್ರಮಾಣದ ಪಾಸಿಟಿವ್ ಪ್ರಕರಣಗಳು ಬೆಳಕಿಗೆ ಬರುವ ಸಾಧ್ಯತೆಯಿದೆ.