ಏಕಕಾಲಕ್ಕೆ ಕಚೇರಿ, ನಿವಾಸದ ಮೇಲೆ ದಾಳಿ

ಕಲಬುರಗಿ:ದೇವರಾಜ ಅರಸ್‌ ಹಿಂದುಳಿದ ವರ್ಗಗಳ ಅಭಿವೃದ್ಧಿ ನಿಗಮದ ಕಲಬುರಗಿ ಮತ್ತು ಯಾದಗಿರಿ ಜಿಲ್ಲೆಗಳ ಪ್ರಭಾರಿ ಅಧಿಕಾರಿ ಜಗದೇವಪ್ಪ ಮೀನಪ್ಪ ಮುಗಟಾ ಅವರ ನಿವಾಸ ಮತ್ತು ಕಚೇರಿಗಳ ಮೇಲೆ ಎಸಿಬಿ ಅಧಿಕಾರಿಗಳು ಮಂಗಳವಾರ ಏಕಕಾಲಕ್ಕೆ ದಾಳಿ ನಡೆಸಿದ್ದಾರೆ.

ಅಕ್ರಮ ಆಸ್ತಿ ಗಳಿಕೆಯ ಕುರಿತು ಸುಳಿವು ದೊರೆತ ಹಿನ್ನೆಲೆಯಲ್ಲಿಯಾದಗಿರಿ ಹಾಗೂ ಕಲಬುರಗಿ ನಗರದಲ್ಲಿರುವ ನಿಗಮದ ಕಚೇರಿ, ಕಲಬುರಗಿಯ ಪೂಜಾ ಕಾಲೊನಿಯ ನಿವಾಸ ಮತ್ತು ಕಲಬುರಗಿ ನಗರದ ಸಿಟಿ ಸ್ಕೆ$್ವೕರ್‌ ಅಂಗಡಿ ಮಳಿಗೆ ಮೇಲೆ ದಾಳಿ ನಡೆಸಿ ಅಗತ್ಯ ದಾಖಲೆಗಳನ್ನು ಸಂಗ್ರಹಿಸಿದ್ದಾರೆ.

ಯಾದಗಿರಿಯ ಎಸಿಬಿ ಡಿವೈಎಸ್ಪಿ ಗುರುನಾಥ ಮತ್ತೂರ್‌ ನೇತೃತ್ವದಲ್ಲಿನಡೆದ ದಾಳಿಯಲ್ಲಿಬೀದರ್‌ ಎಸಿಬಿ ಡಿವೈಎಸ್ಪಿ ಬಷೀರುದ್ದೀನ್‌ ಪಟೇಲ್‌, ಕಲಬುರಗಿ ಎಸಿಬಿ ಡಿವೈಎಸ್ಪಿ ಸುಧಾ ಆದಿ ಮತ್ತು ಬೀದರ್‌ ಎಸಿಬಿ ಪಿಎಸ್‌ಐ ಶರಣಬಸಪ್ಪ ಕೋಡ್ಲಾಪಾಲ್ಗೊಂಡಿದ್ದರು.

ಈ ಕುರಿತು ಯಾದಗಿರಿ ಎಸಿಬಿಠಾಣೆಯಲ್ಲಿಎಫ್‌ಐಆರ್‌ ದಾಖಲಾಗಿದೆ.