ಕಲಬುರಗಿ ನಿಮ್‌್ಜಗೆ ಅನುದಾನ ಘೋಷಿಸಿ

ಕಲಬುರಗಿ:ಕಲಬುರಗಿ ಜಿಲ್ಲೆಗೆ 2013ರಲ್ಲಿಅಧಿಕೃತವಾಗಿ ಘೋಷಣೆ ಆಗಿರುವ ರಾಷ್ಟ್ರೀಯ ಬಂಡವಾಳ ಹೂಡಿಕೆ ಮತ್ತು ಉತ್ಪಾದನಾ ವಲಯದ (ನಿಮ್‌್ಜ) ಕಾರ್ಯಾರಂಭಕ್ಕೆ ಪೂರಕವಾಗಿ ಅಗತ್ಯ ಅನುದಾನ ಹಂಚಿಕೆ ಮಾಡಬೇಕೆಂದು ಸಂಸದ ಡಾ.ಉಮೇಶ್‌ ಜಾಧವ್‌ ಒತ್ತಾಯಿಸಿದರು.

ಶುಕ್ರವಾರ ಸಂಸತ್ತಿನ ಚಳಿಗಾಲದ ಅಧಿವೇಶನದಲ್ಲಿನಿಯಮ 377ರ ಅಡಿ ವಿಷಯ ಪ್ರಸ್ತಾಪಿಸಿದ ಅವರು, ಏಕಕಾಲದಲ್ಲಿಕಲಬುರಗಿ, ತುಮಕೂರು ಮತ್ತು ಬೀದರ್‌ ಜಿಲ್ಲೆಗೆ ತಲಾ ಒಂದು ನಿಮ್‌್ಜ ಘೋಷಿಸಲಾಗಿದೆ. ಕಲಬುರಗಿ ನಿಮ್‌್ಜ ಕಾರ್ಯಾಚರಣೆಗೆ 12500 ಎಕರೆ ಜಮೀನಿನ ಅಗತ್ಯವಿದೆ. ಮೇಲಾಗಿ, ರೂ.25000 ಕೋಟಿ ಅಗತ್ಯವಿದೆ ಎಂದು ಈಗಾಗಲೇ ಕೇಂದ್ರ ಸರಕಾರದ ಸಮೀಕ್ಷೆ ಅನುಮೋದಿಸಿದೆ. ಈ ಯೋಜನೆಯ ಅನುಷ್ಠಾನದಿಂದಾಗಿ ಕಲ್ಯಾಣ ಕರ್ನಾಟಕ ಭಾಗದಲ್ಲಿಉದ್ಯೋಗ ಸೃಷ್ಟಿಗೆ ಸಾಕಷ್ಟು ಅವಕಾಶಗಳು ಲಭಿಸಲಿವೆ ಎಂದು ಅವರು ವಾದಿಸಿದರು.