ಕೊರೊನಾ ; ಜಿಲ್ಲಾಡಳಿತಕ್ಕೆ ಇಎಸ್‌ಐಸಿ ಮುಕ್ತ ಸಹಾಯಹಸ್ತ

ಕಲಬುರಗಿ :ಸಾಮಾಜಿಕ ಸುರಕ್ಷತಾ ದೃಷ್ಟಿಯಿಂದ ಕಾರ್ಯನಿರ್ವಹಿಸುತ್ತಿರುವ ಇಎಸ್‌ಐಸಿ ರಾಜ್ಯ ಮತ್ತು ಕೇಂದ್ರ ಸರಕಾರದೊಂದಿಗೆ ಸಮನ್ವಯ ಸಾಧಿಸಿ ಕೊರೋನಾ ವೈರಸ್‌ ಸೊಂಕು ತಡೆಗಟ್ಟಲು ಮುಕ್ತ ಸಹಾಯ ಹಸ್ತ ನೀಡಲಿದೆ. ಇದಕ್ಕೆ ಪೂರಕವಾಗಿ ಕಲಬುರಗಿ ಇಎಸ್‌ಐಸಿ ಆಸ್ಪತ್ರೆಯಲ್ಲಿತಕ್ಷಣ 200 ಹಾಸಿಗೆ ಸಾಮರ್ಥ್ಯದ ಕ್ವಾರಂಟೈನ್‌ ವಾರ್ಡ್‌ ಹಾಗೂ 16 ಹಾಸಿಗೆ ಸಾಮರ್ಥ್ಯದ ಐಸೊಲೇಷನ್‌ ವಾರ್ಡ್‌ ಸಜ್ಜುಗೊಳಿಸಲಾಗಿದೆ ಎಂದು ನವದೆಹಲಿ ಯ ಇಎಸ್‌ಐಸಿ ಕಾರ್ಪೊ ರೇಷನ್‌ ಸದಸ್ಯ ಶಿವಪ್ರಸಾದ ತಿವಾರಿ ಹೇಳಿದರು.

ಇಎಸ್‌ಐಸಿ ಆಸ್ಪತ್ರೆಯಲ್ಲಿಶುಕ್ರವಾರ ಕೇಂದ್ರ ಮತ್ತು ರಾಜ್ಯ ಸರಕಾರದ ಆರೋಗ್ಯ ಇಲಾಖೆಯ ಅಧಿಕಾರಿಗಳೊಂದಿಗೆ ಸಭೆ ಕೈಗೊಂಡ ಬಳಿಕ ನಡೆಸಿದ ಸುದ್ದಿಗೋಷ್ಠಿಯಲ್ಲಿಅವರು ಈ ಮಾಹಿತಿ ನೀಡಿದರು. ಸದ್ಯಕ್ಕೆ ಇಎಸ್‌ಐಸಿ ಮೆಡಿಕಲ್‌ ಕಾಲೇಜಿನಲ್ಲಿ200 ಕ್ವಾರಂಟೈನ್‌ ವಾರ್ಡ್‌, 16 ಹಾಸಿಗೆ ಸಾಮರ್ಥ್ಯದ ಐಸೊಲೇಷನ್‌ ವಾರ್ಡ್‌ ಮತ್ತು ಈ ಪೈಕಿ ಎರಡು ವೆಂಟಿಲೇಟರ್‌ ವ್ಯವಸ್ಥೆ ಸನ್ನದ್ಧ ಸ್ಥಿತಿಯಲ್ಲಿವೆ. ಜಿಲ್ಲಾಡಳಿತ ಬಯಸಿದಲ್ಲಿಇನ್ನೂ 200 ಕ್ವಾರಂಟೈನ್‌ ವಾರ್ಡ್‌ ತೆರೆಯಲಾಗುವುದು ಎಂದರು.
ಶೀಘ್ರ ಔಷಧ ಆಮದು:
ಕಲಬುರಗಿ ಇಎಸ್‌ಐಸಿ ಆಸ್ಪತ್ರೆಯಲ್ಲಿಶಂಕಿತ ಮತ್ತು ಅಧಿಕೃತ ಕೊರೊನಾ ವೈರಸ್‌ ಸಂಬಂಧಿತ ಕಾಯಿಲೆಗೆ ಸೂಕ್ತ ಚಿಕಿತ್ಸೆ ನೀಡಲು ಕೆಲವು ಔಷಧಗಳು ಲಭ್ಯವಿಲ್ಲ. ಹೀಗಾಗಿ, ಬೆಂಗಳೂರಿನ ರಾಜಾಜಿನಗರದ ಇಎಸ್‌ಐಸಿ ಆಸ್ಪತ್ರೆಯಿಂದ ತುರ್ತಾಗಿ ಔಷಧಗಳನ್ನು ತರಿಸಿಕೊಳ್ಳಲಾಗುತ್ತಿದೆ ಎಂದು ತಿವಾರಿ ವಿವರಿಸಿದರು.
ಇತರ ವಿಭಾಗ ಶೀಘ್ರ ಆರಂಭ:
ಕಲಬುರಗಿ ಇಎಸ್‌ಐಸಿ ಆಸ್ಪತ್ರೆ ಮತ್ತು ಮೆಡಿಕಲ್‌ ಕಾಲೇಜಿನಲ್ಲಿಸಾಕಷ್ಟು ಸ್ಥಳಾವಕಾಶವಿದೆ. ಮೇಲಾಗಿ, ಈ ಆಸ್ಪತ್ರೆಯ ವ್ಯಾಪ್ತಿಗೆ ಸುತ್ತಲಿನ 150 ಕಿ.ಮೀ ವ್ಯಾಪ್ತಿಯ ವಿಮಾ ಕಾರ್ಮಿಕರು ಬರುವುದರಿಂದ ಎಲ್ಲರಿಗೂ ಅತ್ಯುತ್ತಮ ಆರೋಗ್ಯ ಸೇವೆಗಳನ್ನು ಕಲ್ಪಿಸಲು ಇಷ್ಟರಲ್ಲೇ ಮತ್ತಷ್ಟು ವಿಭಾಗಗಳನ್ನು ಆರಂಭಿಸುವ ಕುರಿತು ಸಭೆಯಲ್ಲಿಚರ್ಚಿಸಲಾಗಿದೆ ಎಂದು ತಿವಾರಿ ನುಡಿದರು.

ಈ ಕುರಿತು ಕಾರ್ಪೊರೇಷನ್‌ ಸಭೆಯಲ್ಲಿವಿಷಯ ಪ್ರಸ್ತಾಪಿಸಿ, ಅಗತ್ಯ ಅನುಮೋದನೆ ಪಡೆಯ ಡಿಲಾಗುವುದು ಎಂದು ಅವರು ಹೇಳಿದರು. ಇಎಸ್‌ಐಸಿ ಮೆಡಿಕಲ್‌ ಕಾಲೇಜಿನ ಡೀನ್‌ ಡಾ. ಎ.ಎಲ್‌. ನಾಗರಾಜ…, ವೈದ್ಯಕೀಯ ಅಧೀಕ್ಷಕ ಎಸ್‌.ಪಿ.ಚೌಧರಿ ಇದ್ದರು.