ಕಲಬುರಗಿಯಲ್ಲಿ ಮನೆ ಮಂದಿಗೆಲ್ಲ ಸೋಂಕು ಹಚ್ಚಿದ ಮೆಡಿಕಲ್ ರೆಪ್ರೆಸೆಂಟಿಟಿವ್!

ಕಲಬುರಗಿ: ನಗರದಲ್ಲಿ ಇಂದು ಒಂದೇ ದಿನ ಎಂಟು ಮಂದಿಯಲ್ಲಿ ಕೊರೊನಾ ಸೋಂಕು ಪತ್ತೆಯಾಗಿದೆ. ಅಚ್ಚರಿ ಮೂಡಿಸುವ ಅಂಶವೆಂದರೆ, ಈ ಪೈಕಿ ಆರು ಮಂದಿಗೆ ಇಲ್ಲಿನ ಮೋಮಿನಪುರದ ಓರ್ವ ಮೆಡಿಕಲ್ ರೆಪ್ರೆಸೆಂಟಿಟಿವ್ (P-848) ಸಂಪರ್ಕದಿಂದ ಸೋಂಕು ತಗುಲಿದೆ. ಈ ಆರೂ ಮಂದಿ ಆತನ ಸಂಬಂಧಿಕರು ಎಂಬುದು ಮತ್ತೊಂದು ಆಘಾತಕಾರಿ ಅಂಶವಾಗಿದೆ.

ಪಿ-848 ಸಂಪರ್ಕದಿಂದ ಪಿ-1080 (30 ವರ್ಷದ ಮಹಿಳೆ), ಪಿ-1081 (15 ವರ್ಷದ ಬಾಲಕಿ), ಪಿ-1082 (14 ವರ್ಷದ ಬಾಲಕಿ), ಪಿ-1083(55 ವರ್ಷದ ಪುರುಷ), ಪಿ-1086 (60 ವರ್ಷದ ಪುರುಷ) ಹಾಗೂ ಪಿ-1087 (10 ವರ್ಷದ ಬಾಲಕಿ) ಸೋಂಕಿಗೆ ಒಳಗಾದವರು.

ಈಗಾಗಲೇ ಮೇ 13ರಂದು ಇದೇ ಎಂ.ಆರ್. ಸಂಪರ್ಕಕ್ಕೆ ಬಂದ ನಗರದ ಖೂಬಾ ಪ್ಲಾಟ್ ಬಡಾವಣೆಯ ಇಎನ್.ಟಿ. ತಜ್ಞ ವೈದ್ಯರೊಬ್ಬರು ಕೋವಿಡ್ ಸೋಂಕಿಗೆ ಒಳಗಾಗಿ ಆಸ್ಪತ್ರೆ ಸೇರಿದ್ದಾರೆ.

ಹೊಸ ಸಾಮಾನ್ಯ ಪರಿಸ್ಥಿತಿಗೆ ಒಗ್ಗಿಕೊಂಡು ಕೈಗಾರಿಕೆಗಳನ್ನು ಪ್ರಾರಂಭಿಸಿ: ಜಗದೀಶ್‌ ಶೆಟ್ಟರ್‌ ಕರೆ!

ಇದರ ಜೊತೆಗೆ, 30 ವರ್ಷದ ಮಹಿಳೆ ಪಿ-1084 ಮುಂಬಯಿ ನಗರದಿಂದ ಇತ್ತೀಚೆಗೆ ವಾಪಸ್ಸಾಗಿದ್ದು, ಈಕೆಗೆ ಅಲ್ಲಿಯೇ ಸೋಂಕು ತಗುಲಿದೆ ಎಂದು ಕೋವಿಡ್ ಬುಲೆಟಿನ್ ತಿಳಿಸಿದೆ. ಇನ್ನು ಇನ್ ಫ್ಲೂಯೆಂಜಾ ಮಾದರಿಯ ಸೋಂಕಿನಿಂದ ನರಳುತ್ತಿದ್ದ ಮೋಮಿನಪುರದ 60 ವರ್ಷದ ವ್ಯಕ್ತಿ ಪಿ-927 ಮೇ 11ರಂದು ಆಸ್ಪತ್ರೆಗೆ ಕರೆದೊಯ್ಯುತ್ತಿದ್ದ ವೇಳೆ ಮಾರ್ಗ ಮಧ್ಯದಲ್ಲೇ ಮೃತಪಟ್ಟಿದ್ದರು. ಈ ವ್ಯಕ್ತಿಯೊಂದಿಗೆ ಸಂಪರ್ಕಕ್ಕೆ ಬಂದಿರುವ ಅವರದೇ ಕುಟುಂಬದ 50 ವರ್ಷದ ಮಹಿಳೆ ಪಿ-1085ಗೂ ಸೋಂಕು ತಗುಲಿರುವುದು ಸಾಬೀತಾಗಿದೆ.

ಒಂದೇ ವಾರದಲ್ಲಿ 'ಗ್ರೀನ್‌'ನಿಂದ 'ರೆಡ್‌' ಝೋನ್‌ಗೆ ಸರಿದ ಹಾಸನ!