ಕಲಬುರಗಿ: ಕೇಂದ್ರ ಕಾರಾಗೃಹಕ್ಕೂ ಕಾಲಿಟ್ಟ ಕೊರೊನಾ..! 10 ಕೈದಿಗಳಿಗೆ ಸೋಂಕು ದೃಢ

ಕಲಬುರಗಿ: ಕೊರೊನಾ ವೈರಸ್‌ ಕಾರಣದಿಂದ ಬಿಸಿಲ ನಾಡು ತತ್ತರಿಸಿದ್ದು, ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 2,000ರ ಸಮೀಪಕ್ಕೆ ಬಂದು ನಿಂತಿದೆ. ಈಗ ಕೇಂದ್ರ ಕಾರಾಗೃಹಕ್ಕೂ ಸೋಂಕು ಪ್ರವೇಶಿಸಿದ್ದು, 10 ಕೈದಿಗಳಿಗೆ ಸೋಂಕು ಇರುವುದು ದೃಢಪಟ್ಟಿದೆ.

ಒಂದೇ ದಿನ 10 ಕೈದಿಗಳಿಗೆ ಸೋಂಕು ಖಚಿತವಾಗಿರುವುದು ಜೈಲಿನಲ್ಲಿ ಆತಂಕಕ್ಕೆ ಕಾರಣವಾಗಿದೆ. ಪೆರೋಲ್ ಮೇಲೆ ಬಿಡುಗಡೆಯಾಗಿ ಅವಧಿ ಮುಗಿದ ಬಳಿಕ ಜೈಲಿಗೆ ಮರಳುವಾಗ ನಡೆಸಿದ ಕೊರೊನಾ ಪರೀಕ್ಷೆಯಲ್ಲಿ ಪಾಸಿಟಿವ್‌ ಖಾತ್ರಿಯಾಗಿದೆ ಎಂದು ಕೇಂದ್ರ ಕಾರಾಗೃಹದ ಮುಖ್ಯ ಅಧೀಕ್ಷಕ ರಮೇಶ್ ಮಾಹಿತಿ ನೀಡಿದ್ದಾರೆ.

ಕೊರೊನಾ ವೈರಸ್‌ ಹಿನ್ನೆಲೆ ಮಾರ್ಚ್‌ ತಿಂಗಳಲ್ಲಿ ಕೇಂದ್ರ ಕಾರಾಗೃಹದಿಂದ 70ಕ್ಕೂ ಹೆಚ್ಚು ಕೈದಿಗಳನ್ನು ಪೆರೋಲ್‌ ಮೇಲೆ ಬಿಡುಗಡೆ ಮಾಡಲಾಗಿತ್ತು. ಈಗ ಅವರ ಪೆರೋಲ್‌ ಅವಧಿ ಮುಕ್ತಾಯವಾಗಿದ್ದು, ಕೈದಿಗಳು ವಾಪಸ್‌ ಕಾರಾಗೃಹಕ್ಕೆ ಮರಳುತ್ತಿದ್ದಾರೆ.

ಶಾಸಕ ಅಜಯ್‌ ಸಿಂಗ್‌ ಅವರಿಗೂ ಕೊರೊನಾ ಪಾಸಿಟಿವ್ ದೃಢ..!

ಇನ್ನು, ಶುಕ್ರವಾರ ಕಲಬುರಗಿಯಲ್ಲಿ 58 ಪಾಸಿಟಿವ್‌ ಪ್ರಕರಣಗಳು ಕಂಡುಬಂದಿದ್ದು, ಸೋಂಕಿತರ ಸಂಖ್ಯೆ 1959ಕ್ಕೆ ಏರಿಕೆಯಾಗಿದೆ. ಇದರಲ್ಲಿ 1444 ಜನ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದರೆ, 34 ಜನ ಕೊರೊನಾ ಕಾರಣದಿಂದ ಸಾವನ್ನಪ್ಪಿದ್ದಾರೆ. ಇನ್ನೂ 481 ಸಕ್ರಿಯ ಪ್ರಕರಣಗಳಿವೆ.

ಕಲಬುರಗಿ: ಮಾಹಿತಿ ಇಲ್ಲದೇ ಸೋಂಕಿತ‌ ವ್ಯಕ್ತಿಗೆ ಚಿಕಿತ್ಸೆ: ಕ್ವಾರಂಟೈನ್‌ಗೆ ಜಯದೇವ ಆಸ್ಪತ್ರೆ ವೈದ್ಯರು