ಕಲಬುರಗಿ: ಕೊರೊನಾಗೆ 4 ಬಲಿ, 290 ಪಾಸಿಟಿವ್ ದಾಖಲು

ಕಲಬುರಗಿ: ಯುಗಾದಿಯ ದಿನವೂ ಕೊರೊನಾ ಅಟ್ಟಹಾಸ ಮೆರೆದಿದ್ದು 290 ಜನರಿಗೆ ಸೋಂಕು ತಗುಲಿದೆ.

ಇದೇ ವೇಳೆ ವೈರಸ್ ಉಪಟಳದಿಂದ ಆಸ್ಪತ್ರೆ ಸೇರಿ ಚಿಕಿತ್ಸೆ ಪಡೆಯುತ್ತಿದ್ದ ನಾಲ್ವರು ಸಾವನ್ನಪ್ಪಿದ್ದಾರೆ ಎಂದು ಮಂಗಳವಾರದ ಅರೋಗ್ಯ ಬುಲೆಟಿನ್‌ನಲ್ಲಿ ಮಾಹಿತಿ ನೀಡಲಾಗಿದೆ.

ತೀವ್ರ ಉಸಿರಾಟ ತೊಂದರೆ ಸಮಸ್ಯೆಯಿಂದ‌ ಬಳಲುತ್ತಿದ್ದ ಅಫಜಲಪುರ ತಾಲೂಕಿನ ಬಂದರವಾಡ ಗ್ರಾಮದ 70 ವರ್ಷದ ವೃದ್ಧ ಏ.6 ರಂದು ಕೋವಿಡ್‌ನಿಂದಾಗಿ ಅಸ್ಪತ್ರೆಗೆ ದಾಖಲಾಗಿ ಏ.10 ರಂದು ನಿಧನ ಹೊಂದಿದ್ದಾರೆ.

ತೀವ್ರ ಉಸಿರಾಟ ತೊಂದರೆ ಅಧಿಕ ರಕ್ತದೊತ್ತಡ ಹಾಗೂ ಲೀವರ್ ಸಮಸ್ಯೆಯಿಂದ ಬಳಲುತ್ತಿದ್ದ ಕಲಬುರಗಿ‌ ನಗರದ ಉಮರ್ ಕಾಲೊನಿಯ 60 ವರ್ಷದ ವೃದ್ಧ ಏ. 7 ರಂದು ಕೋವಿಡ್‌ನಿಂದಾಗಿ ಅಸ್ಪತ್ರೆಗೆ ದಾಖಲಾಗಿ, ಏ.9 ರಂದು ನಿಧನ ಹೊಂದಿದ್ದಾರೆ.

ತೀವ್ರ ಉಸಿರಾಟ ತೊಂದರೆ, ಅಧಿಕ ರಕ್ತದೊತ್ತಡದಿಂದ ಬಳಲುತ್ತಿದ್ದ ಕಲಬುರಗಿ‌ ನಗರದ ಶಹಾಬಜಾರ ಪ್ರದೇಶದ 45 ವರ್ಷದ ಮಹಿಳೆ ಏ.9ರಂದು ಕೋವಿಡ್ ನಿಂದಾಗಿ ಅಸ್ಪತ್ರೆಗೆ ದಾಖಲಾಗಿ, ಏ.10 ರಂದು ನಿಧನ ಹೊಂದಿದ್ದಾರೆ.

ಆಳಂದ ತಾಲೂಕಿನ ದರ್ಗಶಿರೂರ ಗ್ರಾಮದ 45 ವರ್ಷದ ಪುರುಷ ಏ.9 ರಂದು ಕೋವಿಡ್ ಅಸ್ಪತ್ರೆಗೆ ದಾಖಲಾಗಿ, ಏ.10 ರಂದು ನಿಧನ ಹೊಂದಿದ್ದಾರೆ.
ಇದರೊಂದಿಗೆ ಜಿಲ್ಲೆಯಲ್ಲು 368 ಜನ ಕೊರೊನಾದಿಂದ ಮೃತಪಟ್ಟಿದ್ದಾರೆ ಎಂದು ಆರೋಗ್ಯ ಇಲಾಖೆ ಪ್ರಕಟಣೆ ತಿಳಿಸಿದೆ.