ಆ್ಯಪ್ನಗರ

ಪ್ರವಾಹಕ್ಕೆ ದನಗಾಯಿ ಕೊಚ್ಚಿ ಹೋದ ಶಂಕೆ

ಜೇವರ್ಗಿ ತಾಲೂಕಿನ ಕೋಳಕೂರ ಗ್ರಾಮದ ದನಗಾಹಿಯೊಬ್ಬ ಭೀಮಾ ನದಿ ಪ್ರವಾಹದಲ್ಲಿ ಭಾನುವಾರ ಕೊಚ್ಚಿ ಹೋಗಿರುವ ಶಂಕೆ ವ್ಯಕ್ತವಾಗಿದೆ.

Vijaya Karnataka 12 Aug 2019, 10:08 pm
ಕಲಬುರಗಿ:ಜೇವರ್ಗಿ ತಾಲೂಕಿನ ಕೋಳಕೂರ ಗ್ರಾಮದ ದನಗಾಹಿಯೊಬ್ಬ ಭೀಮಾ ನದಿ ಪ್ರವಾಹದಲ್ಲಿ ಭಾನುವಾರ ಕೊಚ್ಚಿ ಹೋಗಿರುವ ಶಂಕೆ ವ್ಯಕ್ತವಾಗಿದೆ.
Vijaya Karnataka Web flooded basappa
ಪ್ರವಾಹಕ್ಕೆ ದನಗಾಯಿ ಕೊಚ್ಚಿ ಹೋದ ಶಂಕೆ


ಬಸಪ್ಪ ಮುತ್ತಪ್ಪ ಪ್ರವಾಹಕ್ಕೆ ಕೊಚ್ಚಿ ಹೋಗಿದ್ದಾನೆ ಎಂದು ಕುಟುಂಬದವರು ಶಂಕೆ ವ್ಯಕ್ತಪಡಿಸಲಾಗಿದೆ. ಜಾನುವಾರು ಕಾಯಲು ಹೋದ ಬಸಪ್ಪ ಸಂಜೆಯಾದರೂ ಮನೆಗೆ ಬಾರದ ಕಾರಣ ಆತಂಕಗೊಂಡ ಕುಟುಂಬದವರು ಹುಡುಕಲು ಹೋಗಿದ್ದಾರೆ. ಭೀಮಾ ನದಿಯ ಗಿಡಗಂಟಿಗಳಿಗೆ ಈತನ ಟೋಪಿ ಸಿಲುಕಿರುವುದು ಕಂಡು ಬಂದಿದೆ. ದಡದಲ್ಲಿ ಚಪ್ಪಲಿ ಸಿಕ್ಕಿದೆ. ಇದರಿಂದ ಈ ವ್ಯಕ್ತಿ ನದಿಯಲ್ಲೇ ಹರಿದು ಹೋಗಿದ್ದಾನೆ ಎಂದು ಕುಟುಂಬದ ಸದಸ್ಯರು ಶಂಕೆ ವ್ಯಕ್ತಪಡಿಸಿದ್ದಾರೆ.

ಅಧಿಕಾರಿಗಳ ಭೇಟಿ:

ಸ್ಥಳಕ್ಕೆ ತಹಶೀಲ್ದಾರ್‌ ಸಿದ್ದರಾಯ ಬೋಸಗಿ, ಡಿವೈಎಸ್‌ಪಿ ಹುಲ್ಲೂರ್‌, ಮಾಜಿ ಶಾಸಕ ದೊಡ್ಡಪ್ಪಗೌಡ ಪಾಟೀಲ್‌, ಮುಖಂಡ ಬಸುಗೌಡ ಪಾಟೀಲ್‌ ಭೇಟಿ ನೀಡಿ ಪರಿಶೀಲಿಸಿದರು. ಎನ್‌ಡಿಆರ್‌ಎಫ್‌ ಮತ್ತು ಸೇನಾ ತುಕಡಿ ತಂಡ ನದಿ ಸ್ಥಳಕ್ಕೆ ದೌಡಾಯಿಸಿದೆ. ದೋಣಿ ಮೂಲಕ ಹುಡಕುಲು ಶುರು ಮಾಡಿದ್ದರೂ ಕತ್ತಲಾಗಿದ್ದರಿಂದ ಶೋಧ ಕಾರ್ಯ ಸ್ಥಗಿತಗೊಳಿಸಿದ್ದು, ಸೋಮವಾರ ಬೆಳಗಿನಿಂದಲೇ ಶೋಧ ಕಾರ್ಯ ಆರಂಭಿಸಲು ಸಿದ್ಧತೆ ಮಾಡಿಕೊಳ್ಳಲಾಗಿದೆ ಎಂದು ತಾಲೂಕು ಆಡಳಿತದ ಮೂಲಗಳು ತಿಳಿಸಿವೆ.

ಬಲ್ಲ ಮೂಲಗಳ ಪ್ರಕಾರ, ಆಕಳೊಂದು ನೀರು ಕುಡಿಯಲು ನದಿಗೆ ಇಳಿದಿದೆ. ಅದನ್ನು ಹೊಡೆದುಕೊಂಡು ಬರಲು ಈತನೂ ನದಿಗೆ ಇಳಿದಿದ್ದಾನೆ. ಆದರೆ ಈಜು ಬರುವುದಿಲ್ಲ. ಮೇಲಾಗಿ ಈ ಸ್ಥಳದಲ್ಲಿ ಆಳ ಹೆಚ್ಚಿದ್ದರಿಂದ ಕಾಲು ಜಾರಿ ಪ್ರವಾಹ ಸೆಳೆತಕ್ಕೆ ಸಿಲುಕಿ ಹರಿದು ಹೋಗಿರಬಹುದು ಎಂದು ಜನ ಮಾತನಾಡುತ್ತಿದ್ದರು. ಇದನ್ನು ನೋಡಲು ಜನರು ಭಾರಿ ಸಂಖ್ಯೆಯಲ್ಲಿ ಜಮಾಯಿಸಿದ್ದರು.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ