ಗುವಿವಿ ಪರೀಕ್ಷೆಗಳು ನ.18ರಿಂದ, ವ್ಯಾಪಕ ಸಿದ್ಧತೆ

ಕಲಬುರಗಿ:ಗುಲ್ಬರ್ಗ ವಿಶ್ವವಿದ್ಯಾಲಯ ವ್ಯಾಪ್ತಿಯ ಬಿ.ಎ, ಬಿ.ಕಾಂ, ಬಿ.ಎಸ್ಸಿ, ಬಿ.ಎಸ್‌.ಡಬ್ಲ್ಯು, ಬಿ.ಬಿ.ಎಂ, ಬಿಸಿಎ ಮತ್ತು ಬಿವಿಎ ಪದವಿ ಕೋರ್ಸ್‌ಗಳ ಪ್ರಥಮ, ತೃತೀಯ ಹಾಗೂ ಐದನೇ ಸೆಮಿಸ್ಟರ್‌ ಕ್ಲಸ್ಟರ್‌ ಪರೀಕ್ಷೆಗಳು ನ.18ರಿಂದ ಡಿ.10ರವರೆಗೆ ನಡೆಯಲಿವೆ ಎಂದು ವಿವಿ ಮೌಲ್ಯಮಾಪನ ಕುಲಸಚಿವ ಪೊ›.ಸಂಜೀವಕುಮಾರ್‌ ಕೆ.ಎಂ ತಿಳಿಸಿದ್ದಾರೆ.

ಈಗಾಗಲೆ ಪರೀಕ್ಷಾ ವೇಳಾ ಪಟ್ಟಿಯನ್ನು ವಿವಿ ವೆಬ್‌ಸೈಟ್‌ನಲ್ಲಿಅಪ್‌ಲೋಡ್‌ ಮಾಡಲಾಗಿದೆ. ವಿವಿ ವ್ಯಾಪ್ತಿಯ 412 ಪದವಿ ಕಾಲೇಜುಗಳ ಪೈಕಿ 132 ಪರೀಕ್ಷಾ ಕೇಂದ್ರಗಳಲ್ಲಿಒಟ್ಟು 109818 ವಿದ್ಯಾರ್ಥಿಗಳು ಪರೀಕ್ಷೆಗೆ ಹಾಜರಾಗುತ್ತಿದ್ದಾರೆ. 70840 ವಿದ್ಯಾರ್ಥಿಗಳು ಸಿಬಿಸಿಎಸ್‌( ಚಾಯ್‌್ಸ ಬೇಸ್‌ ಕ್ರೆಡಿಟ್‌ ಸಿಸ್ಟಿಂ) ಪರೀಕೆಗೆ ಹಾಜರಾಗುತ್ತಿದ್ದು, 38978 ವಿದ್ಯಾರ್ಥಿಗಳು ನಾನ್‌ ಸಿಬಿಸಿಎಸ್‌ ಪರೀಕ್ಷೆಗೆ ಹಾಜರಾಗುತ್ತಿದ್ದಾರೆ. ಪ್ರಶ್ನೆ ಪತ್ರಿಕೆ ಮತ್ತು ಉತ್ತರ ಪತ್ರಿಕೆಗಳನ್ನು ವಿತರಿಸಲು 34 ನೋಡಲ್‌ ಕೇಂದ್ರಗಳನ್ನು ಗುರುತಿಸಿಲಾಗಿದೆ. ಬಡ ಹಾಗೂ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಅನುಕೂಲ ಕಲ್ಪಿಸುವ ಉದ್ದೇಶದಿಂದ ಆಯಾ ಪರೀಕ್ಷಾ ಕೇಂದ್ರಗಳ ಉಸ್ತುವಾರಿಗಾಗಿ 132 ಬಾಹ್ಯ ಮೇಲ್ವಿಚಾರಕರನ್ನು ನೇಮಕ ಮಾಡಲಾಗಿದೆ. ಜೊತೆಗೆ ಪದವಿ ಪರೀಕ್ಷೆಗಳನ್ನು ಸುವ್ಯವಸ್ಥಿತವಾಗಿ ಮತ್ತು ಮುಕ್ತವಾಗಿ ನಡೆಯುವಂತಾಗಲು 12 ಜಾಗೃತ ತಂಡಗಳನ್ನು ರಚಿಸಲಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.