ಅಕ್ರಮ ಶಸ್ತ್ರಾಸ್ತ್ರ ಜಪ್ತು; ಇಬ್ಬರ ಬಂಧನ

ಕಲಬುರಗಿ:ಅಕ್ರಮವಾಗಿ ನಾಡಪಿಸ್ತೂಲು ಮತ್ತು ಜೀವಂತ ಗುಂಡುಗಳನ್ನು ಇಟ್ಟುಕೊಂಡು ನಗರದ ಕಣ್ಣಿ ಮಾರ್ಕೆಟ್‌ ಬಳಿ ಸಂಶಯಾಸ್ಪದವಾಗಿ ತಿರುಗಾಡುತ್ತಿದ್ದ ಇಬ್ಬರು ವ್ಯಕ್ತಿಗಳನ್ನು ಅಶೋಕ ನಗರ ಪೊಲೀಸರು ಬಂಧಿಸಿ, ಶಸ್ತ್ರಾಸ್ತ್ರ ಜಪ್ತು ಮಾಡಿಕೊಂಡಿದ್ದಾರೆ.

ಅಫಜಲಪುರ ತಾಲೂಕಿನ ಕೋಗನೂರ್‌ ಗ್ರಾಮದ ಹಸನ್‌ಸಾಬ್‌ ಬಾವಾಸಾಬ್‌ ಹತ್ತರಕಿ (33) ಹಾಗೂ ಲಕ್ಷ್ಮಿಕಾಂತ ಗುರಣ್ಣ ಶೇಖಜಿ (40) ಬಂಧಿತ ಆರೋಪಿಗಳು. ಎಸ್ಪಿ ಯಡಾ ಮಾರ್ಟಿನ್‌ ಮಾರ್ಬನ್ಯಾಂಗ್‌, ಹೆಚ್ಚುವರಿ ಎಸ್ಪಿ ಪ್ರಸನ್ನ ದೇಸಾಯಿ ಅವರ ಮಾರ್ಗದರ್ಶನಲ್ಲಿ ಡಿಸಿಆರ್‌ಬಿ ಘಟಕದ ಡಿವೈಎಸ್ಪಿ ಜೇಮ್ಸ್‌ ಮಿನೆಜಸ್‌ ಹಾಗೂ ಸಿಬ್ಬಂದಿ ದಾಳಿ ನಡೆಸಿ ಆರೋಪಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.