ಕೊತ್ತಲಬಸವೇಶ್ವರ ದೇವಾಲಯದ ಪರಿಸರ ಸ್ವಚ್ಛ

ಸೇಡಂ :ಯುವಕರು ಮನಸ್ಸು ಮಾಡಿದರೆ ಸಮಾಜಮುಖಿ ಕೆಲಸ ಮಾಡಬಹುದು ಎನ್ನುವುದಕ್ಕೆ ಸೇಡಂನ ಯುವ ಬ್ರಿಗೇಡ ಕಾರ್ಯಕರ್ತರೇ ತಾಜಾ ನಿದರ್ಶನ.

ಯುವ ಬ್ರಿಗೇಡ ಉತ್ತರ ಭಾಗದ ಸದ್ಭಾವನಾ ರಾಜ್ಯ ಸಂಚಾಲಕ ಶ್ರೀನಿವಾಸ ಮೂರ್ತಿ ನೇತೃತ್ವದಲ್ಲಿಕಾರ್ಯಕರ್ತರು, ಯುವಕರು ಸ್ವಚ್ಛ ಕಾರ್ಯ ಕೈಗೊಂಡರು. ಕೈಯಲ್ಲಿಪೊರಕೆ ಹಿಡಿದು ದೇವಾಲಯ ಸುತ್ತಲಿನ ಪರಸರ ಸ್ವಚ್ಛಗೊಳಿಸಿದರು. ನೀರಿನಿಂದ ತೊಳೆದು ಬಣ್ಣ ಹಚ್ಚಿದರು. ಇದು ದೇವ ಮಂದಿರ ಪರಿಸರವಾಗಿದೆ. ಇಲ್ಲಿಮೂತ್ರವಿಸರ್ಜನೆ ನಿಷೇಧಿಸಲಾಗಿದೆ ಎಂದು ದಪ್ಪ ಅಕ್ಷರದಲ್ಲಿಬರೆಯಲಾಯಿತು.

ಕೊತ್ತಲಬಸವೇಶ್ವರ ದೇವಾಲಯ ಮುಂಭಾಗದ ರಸ್ತೆ ಬಯಲು ಮೂತ್ರ ವಿಸರ್ಜನೆಯ ಸ್ಥಳವಾಗಿ ಮಾರ್ಪಟ್ಟಿತ್ತು. ದೇವಾಲಯಕ್ಕೆ ಬರುವ ಮಹಿಳಾ ಭಕ್ತರು ಮುಜುಗರ ಪಡುತ್ತಿದ್ದರು. ಸುತ್ತಲಿನ ಪರಿಸರ ಮಲೀನ ಪ್ರದೇಶವಾಗಿತ್ತು. ಇಂತಹ ಒಳ್ಳೆಯ ಕೆಲಸ ಮಾಡಿದ ಕಾರ್ಯಕರ್ತರು ಸಾರ್ವಜನಿಕರ ಪ್ರಶಂಸೆಗೆ ಪಾತ್ರ ಆಗಿದ್ದಾರೆ.

ವಿಜಯಪುರ ವಿಭಾಗ ಸಂಚಾಲಕ ಶ್ರೀಕಾಂತ ಕೊಳ್ಳೂರ, ಸೇಡಂ ಸಂಚಾಲಕ ಕಾಶಿನಾಥ ಪೂಜಾರಿ, ಪ್ರಮುಖರಾದ ಜಗನ್ನಾಥ ಅಣ್ಣಾಸಾಗರ, ವಿನೋದ ಸಜ್ಜನ, ಗುರುಪ್ರಸಾದ, ಮಣಿಕಂಠ ಇತರರಿದ್ದರು.

ಕೊತ್ತಲಬಸವೇಶ್ವರ ದೇವಾಲಯ ಹತ್ತಿರದ ಮಲೀನ ಸ್ಥಳ ಸ್ವಚ್ಛಗೊಳಿಸಲಾಗಿದೆ. ಇಲ್ಲಿಮೂತ್ರ ವಿಸರ್ಜನೆ ಮಾಡಬಾರದು. ಸ್ವಚ್ಛತಾ ಕಾರ್ಯ ಸಾಂಕೇತಿಕವಾಗಿ ಮಾಡಿದ್ದು, ಪ್ರತಿಯೊಬ್ಬರು ಈ ಕ್ಷೇತ್ರದ ಪಾವಿತ್ರ್ಯತೆ ಕಾಪಾಡಬೇಕು.

-ಕಾಶಿನಾಥ ಪೂಜಾರಿ, ಸಂಚಾಲಕರು ಯುವ ಬ್ರಿಗೇಡ ಸೇಡಂ