ಪಡಿತರ ಅಕ್ಕಿ ಕಳ್ಳ ದಾಸ್ತಾನು ಪತ್ತೆ

ಕಲಬುರಗಿ:ಇಲ್ಲಿನ ಎಪಿಎಂಸಿ ಯಾರ್ಡ್‌ನಲ್ಲಿರುವ ಎರಡು ಗೋದಾಮುಗಳಲ್ಲಿಪಡಿತರ ವ್ಯವಸ್ಥೆಯಲ್ಲಿಹಂಚಲಾಗುವ ನೂರಾರು ಅಕ್ಕಿ ತುಂಬಿದ ಚೀಲಗಳು ಶನಿವಾರ ಪತ್ತೆಯಾಗಿದೆ. ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆ ಉಪನಿರ್ದೇಶಕರು ನಡೆಸಿದ ಕಾರ್ಯಾಚರಣೆಯಲ್ಲಿಈ ಅಕ್ರಮ ಬಯಲಾಗಿದೆ.

ಶನಿವಾರ ಮಧ್ಯಾಹ್ನದ ಹೊತ್ತಿಗೆ ಎಪಿಎಂಸಿ ಯಾರ್ಡ್‌ನಲ್ಲಿರುವ ಹತ್ತಿ ಗೋದಾಮು ಮತ್ತು ರಸಗೊಬ್ಬರ ಚೀಲಗಳನ್ನು ತುಂಬಿಡುವ ಗೋದಾಮಿನಲ್ಲಿನೂರಾರು ಅಕ್ಕಿ ಚೀಲಗಳನ್ನು ಬಚ್ಚಿಡಲಾಗಿದೆ ಎಂಬ ಮಾಹಿತಿ ಲಭಿಸಿದೆ. ಈ ಮಾಹಿತಿ ಬೆನ್ನು ಹತ್ತಿ ಹೋದ ಉಪ ನಿರ್ದೇಶಕ (ಪ್ರಭಾರ) ಡಿ.ಎಂ.ಪಾಣಿ ಹಾಗೂ ಅಧಿಕಾರಿಗಳ ತಂಡ ಎಪಿಎಂಸಿ ಅಧಿಕಾರಿ ಕೃಷ್ಣಾ ಅವರ ಸಮ್ಮುಖದಲ್ಲಿಗೋದಾಮುಗಳ ಶಟರ್‌ ತೆರೆಸಿ ನೋಡಿದಾಗ ಕಾಳಸಂತೆಯಲ್ಲಿಮಾರಾಟ ಮಾಡಲು ಅಕ್ಕಿ ಬಚ್ಚಿಟ್ಟಿರುವುದು ಗಮನಕ್ಕೆ ಬಂದಿದೆ. ಇಷ್ಟಕ್ಕೂ ಹೀಗೆ ಪಡಿತರ ವ್ಯವಸ್ಥೆ ಅಕ್ಕಿಯನ್ನು ಮುಚ್ಚಿಟ್ಟ ವ್ಯಕ್ತಿ ಯಾರು ಎಂಬುದು ಇನ್ನೂ ಪತ್ತೆಯಾಗಿಲ್ಲ. ಈ ನಿಟ್ಟಿನಲ್ಲಿತನಿಖೆ ಮುಂದುವರಿದಿದೆ.