ಕಲಬುರಗಿ: ಕೊರೊನಾ ಲಸಿಕೆ ಪಡೆದ 6 ಮೆಡಿಕಲ್ ವಿದ್ಯಾರ್ಥಿಗಳು ಅಸ್ವಸ್ಥ

ಕಲಬುರಗಿ: ಕೊರೊನಾ ಲಸಿಕೆ ಪಡೆದ ಆರು ಮೆಡಿಕಲ್ ಕಾಲೇಜಿನ ವಿದ್ಯಾರ್ಥಿಗಳು ಅಸ್ವಸ್ಥಗೊಂಡು ಜಿಮ್ಸ್ ಆಸ್ಪತ್ರೆಗೆ ದಾಖಲಾಗಿದ್ದಾರೆ‌.

ಈ ಆರು ವಿದ್ಯಾರ್ಥಿಗಳು ಜಿಮ್ಸ್ ನಲ್ಲಿರುವ ಲಸಿಕಾ ಕೇಂದ್ರದಲ್ಲಿ ಶುಕ್ರವಾರ ಅಪರಾಹ್ನ ಕೊರೊನಾ ಲಸಿಕೆ ಪಡೆದಿದ್ದರು.

ಆದರೆ ಸಂಜೆ 6 ಜನರಿಗೆ ಜ್ವರ, ತಲೆ ನೋವು ಕಾಣಿಸಿಕೊಂಡು ವಾಂತಿಯಾಗಿದೆ. ಈ ಹಿನ್ನೆಲೆ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಕೊರೊನಾ ವ್ಯಾಕ್ಸಿನ್ ಪಡೆದು ಹೀಗಾಗಿದೆ. ಜ್ವರ ಕಾಣಿಸಿಕೊಂಡಿದೆ. ಗಂಭೀರ ಆರೊಗ್ಯ ಸಮಸ್ಯೆ ಆಗಿಲ್ಲ. ಆತಂಕದ ವಾತಾವರಣ ಇಲ್ಲ. ಅವರಿಗೆ ಸೂಕ್ತ ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ಡಿಎಚ್‌ಒ ಡಾ. ರಾಜಶೇಖರ ಮಾಲಿ 'ವಿಜಯಕರ್ನಾಟಕ'ಕ್ಕೆ ತಿಳಿಸಿದ್ದಾರೆ.