ಕಲಬುರಗಿಗೆ ಸಿಎಂ ಭೇಟಿ: ಪತ್ರಕರ್ತರಿಗೆ ಆಹ್ವಾನ ನೀಡದ ಜಿಲ್ಲಾಡಳಿತ, ಡಿಸಿಎಂ ವಿರುದ್ಧ ವರದಿ ಪ್ರಕಟಿಸಿದ್ದಕ್ಕೆ ಶಿಕ್ಷೆ?

ಕಲಬುರಗಿ: ಜಿಲ್ಲೆಯ ನೆರೆ ಪೀಡಿತ ಪ್ರದೇಶಗಳಲ್ಲಿ ವೈಮಾನಿಕ ಸಮೀಕ್ಷೆ ಕೈಗೊಳ್ಳಲು ಆಗಮಿಸಿರುವ ಸಿಎಂ ಯಡಿಯೂರಪ್ಪ ಅವರನ್ನು ಭೇಟಿ ಮಾಡಲಾಗದೆ ಪತ್ರಕರ್ತರು ಕಲಬುರಗಿ ಏರ್ ಪೋಟ್೯ ಗೇಟು ಕಾಯುವ ಸ್ಥಿತಿ ಬಂದೊದಗಿದೆ.

ಭೀಕರ ಪ್ರವಾಹ ಸ್ಥಿತಿ ಏರ್ಪಟ್ಟಿದ್ದರೂ ಜಿಲ್ಲಾ ಉಸ್ತುವಾರಿ ಸಚಿವ ಗೋವಿಂದ ಕಾರಜೋಳ ಜಿಲ್ಲೆಗೆ ಭೇಟಿ ನೀಡದ ಕುರಿತು ಮಾಧ್ಯಮಗಳಲ್ಲಿ ಮ್ಯಾರಥಾನ್ ವರದಿಗಳು ಪ್ರಕಟಗೊಂಡ ಬೆನ್ನಲ್ಲೇ ಜಿಲ್ಲಾಡಳಿತ ಪತ್ರಕರ್ತರಿಗೆ ಈ ಶಿಕ್ಷೆ ವಿಧಿಸಿದೆ.

ಸಿಎಂ ಜಿಲ್ಲಾ ಪ್ರವಾಸದ ವೇಳೆ ವಾರ್ತಾ ಇಲಾಖೆ ವತಿಯಿಂದ ಪತ್ರಕರ್ತರಿಗೆ ಅಧಿಕೃತ ಆಹ್ವಾನ ಮತ್ತು ವಾಹನ ವ್ಯವಸ್ಥೆ ಸಹ ಮಾಡದೆ ಪತ್ರಕರ್ತರನ್ನು ಅವಮಾನಿಸಲಾಗುತ್ತಿದೆ.

ಜಿಲ್ಲಾಧಿಕಾರಿಗಳ ಅನುಮತಿ ಇಲ್ಲದೆ ಸಿಎಂ ಭೇಟಿಗೆ ಅವಕಾಶ ಇಲ್ಲ ಎಂದು ಗೇಟ್ ಬಳಿ ಇರುವ ಪೊಲೀಸರು ಸ್ಪಷ್ಟವಾಗಿ ಹೇಳುತ್ತಿದ್ದಾರೆ‌.