ಕೊಟ್ಟ ರೊಕ್ಕೆ ಕೇಳಿದ್ದಕ್ಕೆ ಕೊಲೆ

ಕಲಬುರಗಿ: ಕೊಟ್ಟ ಹಣ ವಾಪಸ್ಸು ಕೇಳಿದ ಎನ್ನುವ ಕಾರಣಕ್ಕೆ ಸಿಟ್ಟಿಗೆದ್ದ ಯುವಕನೋರ್ವ, ಹಣ ಕೇಳಿದ ಯುವಕನಿಗೆ ಚಾಕುವಿನಿಂದ ಇರಿದು ಕೊಲೆ ಮಾಡಿರುವ ಘಟನೆ ನಗರದ ಶಹಾಬಾದ ರಸ್ತೆಯಲ್ಲಿರುವ ಶಕ್ತಿ ನಗರದಲ್ಲಿ ಮಂಗಳವಾರ ಬೆಳಗ್ಗೆ ನಡೆದಿದೆ.

ವಿಜಯಕುಮಾರ ಗೋರಖನಾಥ(23) ಕೊಲೆಯಾದವ. ಈತ ನಗರದ ನಿಲೇಶ್‌ ಎನ್ನುವ ಯುವಕನಿಗೆ 5ಸಾವಿರ ರೂ.ಗಳನ್ನು ಕೊಟ್ಟಿದ್ದ. ಅದನ್ನು ವಾಪಸ್ಸು ಕೇಳಿದ್ದಕ್ಕೆ ಉಭಯರ ಮಧ್ಯೆ ಜಗಳವಾಗಿ ನಿಲೇಶ್‌ ಚಾಕುವಿನಿಂದ ಇರಿದ ಪರಿಣಾಮ ಭಾರಿ ರಕ್ತಸ್ರಾವವಾಗಿ ವಿಜಯಕುಮಾರ ಸಾವನ್ನಪ್ಪಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಈ ಕುರಿತು ಗುವಿವಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಕೊಲೆಗಾರರನ್ನು ಬಂಧಿಸಲು ಪೊಲೀಸರು ಜಾಲ ಬೀಸಿದ್ದಾರೆ.