ಪ್ಯಾಸೆಂಜರ್‌ ಪ್ರಯಾಣ ಅ.20ರ ಬಳಿಕ ಯಥಾಸ್ಥಿತಿ

ಕಲಬುರಗಿ:ನೈಋುತ್ಯ ರೈಲ್ವೆ ವಲಯ ವ್ಯಾಪ್ತಿಯ ಸೋಲಾಪುರ-ವಾಡಿ ಮಧ್ಯದ ತಿಲತಿ ಸ್ಟೇಷನ್‌ ಬಳಿ ಇಂಟರ್‌ ಲಿಂಕ್‌ ಕಾಮಗಾರಿ ನಡೆಯುತ್ತಿರುವ ಕಾರಣ ರಾಯಚೂರು ಮತ್ತು ವಿಜಯಪುರ ಮಧ್ಯೆ ಸಂಚರಿಸುವ ಪ್ಯಾಸೆಂಜರ್‌ ರೈಲಿನ ಪ್ರಯಾಣವನ್ನು ಅ.17ರಿಂದ 20ರವರೆಗೆ ಮೊಟಕುಗೊಳಿಸಲಾಗಿದೆ.

ರಾಯಚೂರು ನಿಲ್ದಾಣದಿಂದ ಸೋಲಾಪುರಕ್ಕೆ (57134) ಹೊರಡುವ ಪ್ಯಾಸೆಂಜರ್‌ ಕೇವಲ ಕಲಬುರಗಿವರೆಗೆ ಮಾತ್ರ ಪ್ರಯಾಣಿಲಿಸಲಿದೆ. ಇನ್ನೊಂದೆಡೆ, ವಿಜಯಪುರದಿಂದ ರಾಯಚೂರು ಕಡೆಗೆ ಹೊರಡುವ (57133) ಪ್ಯಾಸೆಂಜರ್‌ ರೈಲು ಸೋಲಾಪುರ ನಿಲ್ದಾಣದವರೆಗೆ ಮಾತ್ರ ಪ್ರಯಾಣಿಸಲಿದೆ ಎಂದು ನೈಋುತ್ಯ ರೈಲ್ವೆ ಮುಖ್ಯ ಸಾರ್ವಜನಿಕ ಸಂಪರ್ಕಾಧಿಕಾರಿ ತಿಳಿಸಿದ್ದಾರೆ.