ಏಕಾಗ್ರತೆಯಿಂದ ವ್ಯಕ್ತಿತ್ವ ವಿಕಾಸ :ಡಾ.ಸಿ.ಆರ್‌.ಚಂದ್ರಶೇಖರ

ಕಲಬುರಗಿ :ವೈದ್ಯ ಸಾಹಿತಿ ದಿ.ಡಾ.ಲೀಲಾವತಿ ದೇವದಾಸ್‌ ಅವರ ಸಂಸ್ಮರಣೆಯ ಪ್ರಯುಕ್ತ ನಗರದ ಕಾಯಕ ಫೌಂಡೇಷನ್‌ಎಜುಕೇಷನ್‌ ಟ್ರಸ್ಟ್‌ ಮತ್ತು ಜಿಲ್ಲಾ ಕನ್ನಡ ವೈದ್ಯ ಸಾಹಿತ್ಯ ಪರಿಷತ್‌ ವತಿಯಿಂದ ವಿಶೇಷ ಉಪನ್ಯಾಸ ಮತ್ತು ಸಂವಾದ ಕಾರ್ಯಕ್ರಮ ನಡೆಯಿತು.

ಮನೋತಜ್ಞ ಡಾ.ಸಿ.ಆರ್‌.ಚಂದ್ರಶೇಖರ ಅವರು ಮಾತನಾಡಿ, ಉತ್ತಮ ಹವ್ಯಾಸಗಳು, ಏಕಾಗ್ರತೆ ಮತ್ತು ಆಸಕ್ತಿ ವ್ಯಕ್ತಿತ್ವ ವಿಕಸನಕ್ಕೆ ಭದ್ರ ಬುನಾದಿಯಾಗುತ್ತವೆ. ವಿದ್ಯಾರ್ಥಿಗಳು ಹದಿಹರೆಯದ ಮನೋದೈಹಿಕ ಸಮಸ್ಯೆಗಳಿಂದ ಹೊರಬಂದು ಶೈಕ್ಷಣಿಕ ಸಾಧನೆ ಕಡೆಗೆ ಗಮನಹರಿಸಿ ದೈಹಿಕ ಮತ್ತು ಮಾನಸಿಕ ಆರೋಗ್ಯಕಾಪಾಡಿಕೊಳ್ಳಬೇಕು ಎಂದು ಸಲಹೆ ನೀಡಿದರು.

ಖ್ಯಾತ ವೈದ್ಯೆ ಡಾ.ಇಂದಿರಾ ವೀರಭದ್ರಪ್ಪ ಪ್ರಾಸ್ತಾವಿಕವಾಗಿ ಮಾತನಾಡಿ, ದಿ.ಡಾ.ಲೀಲಾವತಿ ದೇವದಾಸ ಅವರ ಶ್ರದ್ಧೆ, ಕರ್ತವ್ಯ ಪ್ರಜ್ಞೆ, ಭೋಧನಾ ಶೈಲಿ, ಸಮಾಜಮುಖಿ ವ್ಯಕ್ತಿತ್ವವನ್ನು ನಾವೆಲ್ಲರೂ ಮೈಗೂಡಿಸಿಕೊಳ್ಳಬೇಕು ಎಂದು ಹೇಳಿದರು.

ಕಾಯಕ ಶಿಕ್ಷಣ ಸಂಸ್ಥೆಯ ಸಂಸ್ಥಾಪಕ ಶಿವರಾಜ.ಟಿ.ಪಾಟೀಲ್‌, ಸ್ವಪ್ನ ರೆಡ್ಡಿ ಪಾಟೀಲ್‌, ಎಸ್‌.ಎಸ್‌.ಹಿರೇಮಠ, ಪ್ರಾಂಶುಪಾಲ ಡಾ.ಶಶಿಶೇಖರ ರೆಡ್ಡಿ, ಜಿ.ಎಂ. ಸಾಲಿಮಠ ವೇದಿಕೆಯಲ್ಲಿದ್ದರು. ರೋಷನಿ ಎನ್‌.ಘೋಟ್ಕೆ ಸ್ವಾಗತಿಸಿದರು.