ರಾಮರಾವ ಮಹಾರಾಜ ಆಶೀರ್ವಾದ ಪಡೆದ ರಾಠೋಡ

ಚಿಂಚೋಳಿ :ಚಿಂಚೋಳಿ ಮೀಸಲು ವಿಧಾನಸಭಾ ಕ್ಷೇತ್ರದ ಉಪ ಚುನಾವಣೆ ಹಿನ್ನೆಲೆಯಲ್ಲಿ ಬಂಜಾರಾ ಸಮಾಜದ ಮಹಾಗುರು ಪೌರಾದೇವಿಯ ಡಾ.ರಾಮರಾವ ಮಹಾರಾಜ ಅವರನ್ನು ಕಾಂಗ್ರೆಸ್‌ ಅಭ್ಯರ್ಥಿ ಸುಭಾಷ ರಾಠೋಡ್‌ ಮಂಗಳವಾರ ರಾತ್ರಿ ಭೇಟಿಯಾಗಿ ಆರ್ಶೀವಾದ ಪಡೆದರು. ಚಿಂಚೋಳಿಯಲ್ಲಿ ನಡೆಯಲಿರುವ ಬೈ ಎಲೆಕ್ಷನ್‌ನಲ್ಲಿ ಒಳ್ಳೆಯದಾಗುವಂತೆ ರಾಠೋಡ್‌ ಪ್ರಾರ್ಥಿಸಿದರು. ಮಹಾರಾಜರು ಆಶೀರ್ವದಿಸಿ ಶುಭ ಕೋರಿದರು.

ಮಂಗಳವಾರ ರಾತ್ರಿ ಪೌರಾದೇವಿಗೆ ತೆರಳಿದ ರಾಠೋಡಗೆ ಆಶ್ರದಲ್ಲಿ ವಾಸ್ತವ್ಯ ಮಾಡಲು ತಿಳಿಸಿ ಸಮಾಜ ಸೇವೆ, ಸಮುದಾಯದ ಜತೆಗೆ ಎಲ್ಲ ಸಮುದಾಯದ ಅಭಿವೃದ್ಧಿಗೆ ಶ್ರಮಿಸುವಂತೆ ಮಹಾರಾಜರು ಸೂಚಿಸಿದ್ದಾರೆ ಎಂದು ಸಮಾಜದ ಹಿರಿಯ ಮುಖಂಡ ಜಗನ್ನಾಥ ಮಾಸ್ತರ್‌ ತಿಳಿಸಿದರು.

ಸಮಾಜದ ತಾಲೂಕಾಧ್ಯಕ್ಷ ರಾಮಶೆಟ್ಟಿ ಪವಾರ, ಉಪಾಧ್ಯಕ್ಷ ತುಮಾರಾಮ ಪವಾರ, ಮೇಘರಾಜ ರಾಠೋಡ, ಬಾಬು ಪವಾರ, ದೇವಲಾ ನಾಯಕ, ಚಂದರ್‌ ಕಾರಬಾರಿ, ತಾರಸಿಂಗ್‌ ಚವ್ಹಾಣ, ಭಿಮರಾವ ನಾಯಕ, ಈಶ್ವರ ನಾಯಕ ಚೌಕಿತಾಂಡ, ಬಲರಾಮ ನಾಯಕ, ರಾಮು ಚವ್ಹಾಣ, ಗೋವಿಂದ ಮಹಾರಾಜ ಇದ್ದರು.