ಸೇಡಂ ಉಪಖಜಾನೆ ಎಫ್‌ಡಿಎ ಎಸಿಬಿ ಬಲೆಗೆ

ಕಲಬುರಗಿ : ವೇತನ ಬಿಡುಗಡೆ ಮಾಡಲು ವ್ಯಕ್ತಿಯೊಬ್ಬರಿಂದ ರೂ. 11 ಸಾವಿರ ಲಂಚ ಸ್ವೀಕರಿಸುತ್ತಿದ್ದರು ಎನ್ನಲಾದ ಸೇಡಂ ಪತ್ರಾಂಕಿತ ಉಪ ಖಜಾನೆ ಕಚೇರಿ ಎಫ್‌ಡಿಎ ಭ್ರಷ್ಟಾಚಾರ ನಿಗ್ರಹ ದಳ (ಎಸಿಬಿ) ಬಲೆಗೆ ಬಿದ್ದಿದ್ದಾರೆ.

ಲಾಲಪ್ಪ ಎಸಿಬಿ ಬಲೆಗೆ ಬಿದ್ದಿರುವ ಎಫ್‌ಡಿಎ. ವಿನಯಕುಮಾರ್‌ ಸಿಂಪಿ ಎಂಬುವವರು ನೀಡಿದ ದೂರಿನ ಮೇರೆಗೆ ಎಸಿಬಿ ಅಧಿಕಾರಿಗಳು ದಾಳಿ ನಡೆಸಿ ಲಾಲಪ್ಪ ಅವರನ್ನು ವಶಕ್ಕೆ ಪಡೆದಿದ್ದಾರೆ. ಒಟ್ಟು 40 ಸಾವಿರಕ್ಕೆ ಲಾಲಪ್ಪ ಬೇಡಿಕೆ ಇಟ್ಟಿದ್ದರು ಎನ್ನಲಾಗಿದ್ದು, ಈ ಪೈಕಿ ಅದಾಗಲೇ 29 ಸಾವಿರ ಪಡೆದಿದ್ದರು ಎನ್ನಲಾಗಿದೆ. ಉಳಿದ 11 ಸಾವಿರ ರೂ. ಪಡೆಯುವಾಗ ಈ ದಾಳಿ ನಡೆದಿದೆ.

ಎಸಿಬಿ ಡಿವೈಎಸ್ಪಿ ಜೇಮ್ಸ್‌ ಮಿನೆಂಜಸ್‌ ನೇತೃತ್ವದಲ್ಲಿ ದಾಳಿ ನಡೆಸಲಾಗಿದೆ.