ವಿದ್ಯುತ್ ಶಾಕ್‌ಗೆ ಶಿಕ್ಷಕಿ ಸಾವು

ಕಲಬುರಗಿ: ಖರ್ಗೆ ಪೆಟ್ರೋಲ್ ಬ್ಯಾಂಕ್ ರಸ್ತೆಯ ಗಣೇಶ ನಗರದಲ್ಲಿ ವಿದ್ಯುತ್ ಶಾಕ್ ಹೊಡೆದು ಶಿಕ್ಷಕಿಯೊಬ್ಬರು ಮೃತಪಟ್ಟಿದ್ದಾರೆ. ಕಣ್ಮಸ್ ಗುರುಲಿಂಗಪ್ಪ ಪಾಟೀಲ್ (ಕೆಜಿಪಿ) ಶಾಲೆಯ ಶಿಕ್ಷಕಿ ಅಂಬುಜಾ (43)ಮೃತಪಟ್ಟವರು.

ಸ್ನಾನದ ನಂತರ ಕೋಣೆಯಲ್ಲಿದ್ದ ವಿದ್ಯುತ್ ಗುಂಡಿ ಒತ್ತಿದ ತಕ್ಷಣ ಶಾಕ್ ಹೊಡೆದಿದೆ. ಹೀಗಾಗಿ ಸ್ಥಳದಲ್ಲಿಯೇ ಕೊನೆಯುಸಿರೆಳೆದಿದ್ದಾರೆ. ಎಂ.ಬಿ.ನಗರ ಠಾಣಾ ಪೊಲೀಸರು ಘಟನಾ ಸ್ಥಳಕ್ಕೆ ಧಾವಿಸಿದ್ದಾರೆ.