ಸಿಡಿಲು ಬಡಿದು ರೈತ ಸಾವು

ಆಳಂದ :ಸಿಡಿಲು ಬಡಿದು ರೈತನೊಬ್ಬ ಮೃತಪಟ್ಟ ಘಟನೆ ತಾಲೂಕಿನ ಕೆರೆ ಅಂಬಲಗಾ ಗ್ರಾಮದಲ್ಲಿ ಭಾನುವಾರ ಸಂಜೆ ನಡೆದಿದೆ.

ಚಂದ್ರಕಾಂತ ಶಿವಪುತ್ರಪ್ಪ ಬುದ್ಧಿವಂತ (37) ಮೃತ ರೈತ. ಜತೆಯಲ್ಲಿದ್ದ ರೈತ ಮಾಣಿಕರಾವ ಧರ್ಮಣ್ಣ ಬಿರಾದಾರ ಅವರಿಗೆ ಗಾಯವಾಗಿದ್ದು, ಕಲಬುರಗಿಯ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಸ್ಥಳಕ್ಕೆ ನರೋಣಾ ನಾಡ ಕಚೇರಿಯ ಉಪ ತಹಸೀಲ್ದಾರ್‌ ಮರಗಯ್ಯ ಕಲಾಲ, ಕಂದಾಯ ನಿರೀಕ್ಷ ಕ ಶಶಿಶೇಖರ ಬಿರಾದಾರ, ಗ್ರಾಮ ಲೇಖಾಪಾಲಕ ಮಹೇಶ ಭೇಟಿ ನೀಡಿ ಪರಿಶೀಲಿಸಿದರು.

ನರೋಣಾ ಪಿಎಸ್‌ಐ ಶರಣಬಸಪ್ಪ ಕೋಡ್ಲಾ ಜತೆಗಿದ್ದರು. ಈ ಕುರಿತು ನರೋಣಾ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.