ಉತ್ತರಾದಿ ಮಠದಲ್ಲಿ ಹುಂಡಿ ದರೋಡೆ

ಕಲಬುರಗಿ: ಮಳಖೇಡ ಗ್ರಾಮದ ಬಳಿ ಇರುವ ಉತ್ತರಾದಿ ಮಠದಲ್ಲಿ ದರೋಡೆ ನಡೆದಿದೆ. ಸೇಡಂ ತಾಲೂಕಿನ ಮಳಖೇಡ ಗ್ರಾಮದ ಮಠದಲ್ಲಿರುವ ಶಟರ್ ಮುರಿದು 30 ಕೆಜಿ ಬೆಳ್ಳಿ, ಹುಂಡಿಯಲ್ಲಿದ್ದ ನಗದು ಸೇರಿದಂತೆ 18 ಲಕ್ಷಕ್ಕೂ ಅಧಿಕ ಮೌಲ್ಯದ ವಸ್ತುಗಳು ಕಳವಾಗಿವೆ.

ಹಣ ಕಳವು ಮಾಡಿದ ಬಳಿಕ ಹುಂಡಿಯನ್ನು ತೆಗೆದುಕೊಂಡು‌ ಹೋಗಿ ನದಿಯಲ್ಲಿ ಬಿಸಾಡಿದ್ದಾರೆ. ಮೂರು ವರ್ಷಗಳ ಹಿಂದೆ ಇದೇ ಮಠದಲ್ಲಿ ದರೋಡೆಯಾಗಿತ್ತು. ಆದರೆ ಇದುವರೆಗೆ ಪ್ರಕರಣದ ಆರೋಪಿಗಳು ಪತ್ತೆಯಾಗಿರಲಿಲ್ಲ.

ಸ್ಥಳಕ್ಕೆ ಮಳಖೇಡ ಠಾಣೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.