ಚಾಲಕನಿಲ್ಲದೆ 13 ಕಿಮೀ ಚಲಿಸಿದ ರೈಲು ಎಂಜಿನ್‌!

ಕಲಬುರಗಿ: ಚಾಲಕನಿಲ್ಲದೆ ರೈಲ್ವೆ ಎಂಜಿನ್‌ 13 ಕಿಮೀವರೆಗೆ ಸಂಚರಿಸಿದ ಘಟನೆ ಜಿಲ್ಲೆಯ ಚಿತ್ತಾಪುರ ತಾಲೂಕಿನ ವಾಡಿ ಜಂಕ್ಷನ್‌ನಲ್ಲಿ ಸಂಭವಿಸಿದೆ. ಅದೃಷ್ಟವಶಾತ್‌ ಅಪಾಯ ತಪ್ಪಿದೆ.

ವಾಡಿ ಜಂಕ್ಷನ್‌ನ ಪ್ಲಾಟ್‌ಫಾರಂ ಸಂಖ್ಯೆ 4ರಲ್ಲಿ ಈ ಎಂಜಿನ್‌ ನಿಲುಗಡೆಯಾಗಿತ್ತು. ಚೆನ್ನೈ-ಮುಂಬೈ ಎಕ್ಸ್‌ಪ್ರೆಸ್‌ ರೈಲಿಗೆ ಈ ಎಂಜಿನ್‌ ಜೋಡಣೆಯಾಗಬೇಕಿತ್ತು. ಆದರೆ ವಾಡಿಯಿಂದ ನಾಲವಾರವರೆಗೆ ಚಾಲಕನಿಲ್ಲದೆ ಈ ಎಂಜಿನ್‌ ಚಲಿಸಿದೆ.

''ಈ ವಿಷಯ ಗಮನಕ್ಕೆ ಬಂದ ತಕ್ಷಣ ರೈಲ್ವೆ ಸಿಬ್ಬಂದಿ ಬೈಕ್‌ನಲ್ಲಿ ಹೋಗಿ, ಎಂಜಿನ್‌ ಒಳಗಡೆ ಕಷ್ಟಪಟ್ಟು ಪ್ರವೇಶಿಸಿ ಎಂಜಿನ್‌ ತಡೆದು ನಿಲ್ಲಿಸಿದರು,'' ಎಂದು ವಾಡಿ ರೈಲ್ವೆ ಸ್ಟೇಷನ್‌ ಮಾಸ್ಟರ್‌ ಜೆ. ಎನ್‌. ಪರಿಡಾ ತಿಳಿಸಿದರು. ವಾಡಿ ರೈಲ್ವೆ ಪೊಲೀಸ್‌ ಠಾಣೆಯಲ್ಲಿ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದೆ.

Train runs 13km without driver