ಟ್ರ್ಯಾಕ್ಷ ರ್‌ ಚಲಾಯಿಸಿ ಇಬ್ಬರು ಬಾಲಕರ ಸಾವು

ಆಳಂದ :ರಸ್ತೆ ಬದಿ ಗೇರ್‌ ಹಾಕಿ ನಿಲ್ಲಿಸಿದ್ದ ಟ್ರ್ಯಾಕ್ಟರ್‌ ಮೇಲೆ ಕುಳಿತು ನ್ಯೂಟ್ರಲ್‌ಗೊಳಿಸಿದ ಪರಿಣಾಮ ಅದರ ಅಡಿಯಲ್ಲೇ ಸಿಲುಕಿ ಇಬ್ಬರು ಬಾಲಕರು ಸಾವಿಗೀಡಾದ ಘಟನೆ ಆಳಂದ ತಾಲೂಕಿನ ಹೆಬಳಿ ತಾಂಡಾದಲ್ಲಿ ಬುಧವಾರ ನಡೆದಿದೆ.

ಸುಪ್ರಿಯಾ ಸಂಜು ರಾಠೋಡ (7), ರೋಹನ್‌ ದಶರಥ ಚವ್ಹಾಣ (8) ಸಾವಿಗೀಡಾದ ಬಾಲಕರು. ಇಬ್ಬರೂ ಟ್ರ್ಯಾಕರ್‌ ಮೇಲೆ ಕುಳಿತು ಆಟವಾಡುತ್ತಿದ್ದರು. ಗೇರ್‌ನಲ್ಲಿ ನಿಲ್ಲಿಸಿದ್ದ ಟ್ರ್ಯಾಕ್ಟರ್‌ನ ಗೇರ್‌ ಲಿವರ್‌ ಅಲುಗಾಡಿಸಿದ ಪರಿಣಾಮ ಟ್ರ್ಯಾಕ್ಟರ್‌ ನ್ಯೂಟ್ರಲ್‌ ಆಗಿದೆ. ಅದಾಗಲೇ ಇಳಿಜಾರಿನಲ್ಲಿ ನಿಲ್ಲಿಸಲಾಗಿದ್ದ ಟ್ರ್ಯಾಕ್ಟರ್‌ ಮುಂದೆ ಹೋಗಲು ಆರಂಭಿಸಿದೆ. ಇದೇವೇಳೆ, ರಸ್ತೆ ಮಧ್ಯೆ ಇದ್ದ ನಿಖಿಲ್‌ ಸಂಜು ರಾಠೋಡ್‌, ಅಶ್ವಿನಿ ದಶರಥ ಚವ್ಹಾಣ, ಆರೋಷ್‌ ಸಂತೋಷ ರಾಠೋಡ್‌ ಗಾಯಗೊಂಡಿದ್ದು, ನಿಖಿಲ್‌ ಸ್ಥಿತಿ ಗಂಭೀರವಾಗಿದೆ ಎಂದು ಹೇಳಲಾಗಿದೆ.

ಗಾಯಾಳುಗಳನ್ನು ಮಹಾರಾಷ್ಟ್ರದ ಉಮರ್ಗಾ ಖಾಸಗಿ ಆಸ್ಪತ್ರೆಯಲ್ಲಿ ದಾಖಲು ಮಾಡಲಾಗಿದೆ.

ಆಳಂದ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಸ್ಥಳಕ್ಕೆ ಪಿಎಸ್‌ಐ ಮಹಾಂತೇಶ ಬಾಂಡೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.