ಮಹಿಳೆಯರ ವಿರುದ್ಧ ದೌರ್ಜನ್ಯ, ಗಲ್ಲುಶಿಕ್ಷೆಗೆ ಆಗ್ರಹ

ಕಲಬುರಗಿ:ದೇಶದ ಎಲ್ಲೆಡೆ ಮಹಿಳೆಯರು ಮತ್ತು ಅಪ್ರಾಪ್ತ ಬಾಲಕಿಯರ ಮೇಲೆ ನಿರಂತರವಾಗಿ ಅತ್ಯಾಚಾರ ನಡೆಯುತ್ತಿದೆ. ಹೀಗಾಗಿ, ಇಂತಹ ಕೃತ್ಯಗಳಲ್ಲಿತೊಡಗುವ ಅಪರಾಧಿಗಳನ್ನು ಸಾರ್ವಜನಿಕವಾಗಿ ಗಲ್ಲಿಗೆ ಹಾಕಬೇಕೆಂದು ಒತ್ತಾಯಿಸಿ ಕಲ್ಯಾಣ ಕರ್ನಾಟಕ ಸೇನೆ ಕಾರ್ಯಕರ್ತರು ನಗರದಲ್ಲಿಗುರುವಾರ ಪ್ರತಿಭಟನೆ ನಡೆಸಿದರು.

ಮಹಿಳೆಯರು ಮತ್ತು ಅಪ್ರಾಪ್ತ ಹೆಣ್ಣು ಮಕ್ಕಳ ಮೇಲೆ ಲೈಂಗಿಕ ದೌರ್ಜನ್ಯ ಎಸಗುವ ಅಪರಾಧಿಗಳಿಗೆ ಕಠಿಣ ಶಿಕ್ಷೆ ವಿಧಿಸಬೇಕು. ಅದರಲ್ಲೂಮುಖ್ಯವಾಗಿ ಅಪರಾಧಿಗಳಿಗೆ ಸಾರ್ವಜನಿಕರ ಎದುರಲ್ಲೇ ಗಲ್ಲುಶಿಕ್ಷೆಗೆ ಗುರಿ ಪಡಿಸುವುದರಿಂದ ಇನ್ನು ಮುಂದೆ ಇಂತಹ ಹೀನ ಕೃತ್ಯಗಳಲ್ಲಿತೊಡಗುವವರಿಗೆ ಸಂದೇಶ ರವಾನಿಸಿದಂತಾಗುತ್ತದೆ ಎಂದು ಪ್ರತಿಭಟನಾಕಾರರು ಸಲಹೆ ನೀಡಿದರು.

ಸಂಸ್ಥಾಪಕ ದತ್ತು ಹಯ್ಯಾಳಕರ್‌, ಸಂಗಮೇಶ ಮಹಗಾಂವಕರ್‌, ನವೀನ್‌ ಆಲೆಗಾಂವ್‌, ಶರಣು ಡಿ.ಎಲ್‌., ಶ್ರೀದೇವಿ ಮುತ್ತಂಗಿ, ಸಂತೋಷ್‌ ಹಾವನೂರ್‌, ರಾಜು ಕಣಸೂರ, ಶ್ರೀಮತಿ ಗುರಂಪಳ್ಳಿ, ನೀಲಮ್ಮ, ಕಾವೇರಿ, ಇರ್ಫಾನ್‌, ಗೋವಿಂದ, ಯಲ್ಲೇಶ, ಕಾಳೇಶ ಪೂಜಾರಿ, ಬಸವರಾಜ, ಪ್ರೇಮ ಸೇರಿದಂತೆ ಇನ್ನಿತರರು ಪ್ರತಿಭಟನೆಯಲ್ಲಿಪಾಲ್ಗೊಂಡಿದ್ದರು.

ಪ್ರಧಾನಮಂತ್ರಿಗಳ ಕಚೇರಿಗೆ ತಲುಪುವಂತೆ ಜಿಲ್ಲಾಧಿಕಾರಿಗಳ ಕಚೇರಿಗೆ ಮನವಿ ಪತ್ರ ಸಲ್ಲಿಸಲಾಯಿತು.