ರುದ್ರಭೂಮಿಯಲ್ಲಿ ಯೋಗ ಕಾರ್ಯಕ್ರಮ

ಕಲಬುರಗಿ:ನಗರದ ನೆಹರು ಗಂಜ್‌ ವೀರಶೈವ ರುದ್ರಭೂಮಿಯ ಉದ್ಯಾನದಲ್ಲಿ ವಿಶ್ವ ಯೋಗ ದಿನಾಚರಣೆ ಪ್ರಯುಕ್ತ ಯೋಗ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು.

ಮೌನಯೋಗಿ ಜಡೆಯ ಶಾಂತಲಿಂಗೇಶ್ವರ ಮಹಾಸ್ವಾಮಿಗಳ ಸನ್ನಿಧಾನದಲ್ಲಿ ನಡೆದ ಈ ಕಾರ್ಯಕ್ರಮದಲ್ಲಿ ಯೋಗ ಗುರು ಸಿದ್ಧಪ್ಪ ಮಾಸ್ತರ ಹಾಗೂ ತಂಡದ ಸದಸ್ಯರು ಯೋಗ ತರಬೇತಿ ನೀಡಿದರು.

ಸಿದ್ದಪ್ಪ ಮಾಸ್ತರ ಅವರು ಉಪನ್ಯಾಸ ನೀಡುತ್ತಾ, ಮೌಢ್ಯಗಳನ್ನು ದಿಕ್ಕರಿಸುವ ನಿಟ್ಟಿನಲ್ಲಿ ಸ್ಮಶಾನ ಭೂಮಿಯಲ್ಲಿ ಯೋಗ ದಿನ ಆಯೋಜಿಸಿರುವುದು ಅತ್ಯುತ್ತಮ ಬೆಳವಣಿಗೆ ಎಂದು ಸಮಾಧಾನ ವ್ಯಕ್ತಪಡಿಸಿದರು.

300ಕ್ಕೂ ಹೆಚ್ಚು ಆಸಕ್ತರು ಈ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು. ಡಾ.ಆರಾಧನಾ, ಬಸವರಾಜ ಖಂಡೇರಾವ್‌, ಉಮೇಶ ಶೆಟ್ಟಿ, ಸೋಮಶೇಖರ ಚಿನ್ಮಳ್ಳಿ, ಅನಿಲ್‌ ರೋಣದ, ಕೆ.ಎಸ್‌.ವಾಲಿ, ನೀಲಕಂಠ ಬಿರಾದಾರ, ಪರಸರೆಡ್ಡಿ, ಸಂತೋಷ್‌ ಗಂಗಸಿರಿ, ಮಲ್ಲಿನಾಥ ಅಣಕಲ್‌, ಶರಣು ರೋಣದ, ಸುನಂದಾ ಜೀವಣಗಿ, ಜಗದೇವಿ ಗಂಗಸಿರಿ, ಯುವರಾಜ ವಾಡಿ ಸೇರಿದಂತೆ ಇತರರು ಪಾಲ್ಗೊಂಡಿದ್ದರು.