ಬೆಂಗಳೂರು: 'ಹರಹರ ಮಹಾದೇವ' ಧಾರಾವಾಹಿಯ 50 ಕಂತುಗಳನ್ನು ಈಗಾಗಲೇ ಪ್ರಸಾರ ಮಾಡಿರುವ 'ಸ್ಟಾರ್‌ ಸುವರ್ಣ' ವಾಹಿನಿಯಲ್ಲಿ ಅ.17ರ ಸೋಮವಾರದಿಂದ ರಾತ್ರಿ 7.30ಕ್ಕೆ ಪಾರ್ವತಿಯ ಅವತಾರದ ವಿಶೇಷ ಕ್ಷಣಗಳು ಪ್ರಸಾರವಾಗಲಿವೆ.
ಧಾರಾವಾಹಿಯಲ್ಲಿ ಪಾರ್ವತಿಯ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ರೂಪದರ್ಶಿ, ಕಲಬುರಗಿಯ ಪ್ರಿಯಾಂಕ ಚಿಂಚೋಳಿ ಅವರೇ ಈ ವಿಶೇಷ ಕಾರ್ಯಕ್ರಮದಲ್ಲೂ ಕಾಣಿಸಿಕೊಳ್ಳಲಿದ್ದಾರೆ. ಈ ಕಂತುಗಳಲ್ಲಿ ಮಹಾದೇವನನ್ನು ವರಿಸಲು ಆದಿಶಕ್ತಿಯ ಅವತಾರವನ್ನು ಎತ್ತಿ ಬಂದ ಪಾರ್ವತಿಯ ಬದುಕಿನ ಕತೆ ಇದೆ. ಜನ್ಮಾಂತರದ ಅಪರೂಪದ ಪ್ರೇಮಕತೆಯಾಗಿರುವ ಈ ಕಥಾನಕದಲ್ಲಿ ಪಾರ್ವತಿ-ಪರಮೇಶ್ವರನ ಪ್ರೇಮ ಪ್ರಸಂಗಗಳು ಮತ್ತು ಶಿವನನ್ನು ಪಾರ್ವತಿಯು ಸಂಸಾರಿಯಾಗಿಸಿದ ಕೌತುಕವನ್ನು ಹಿಡಿದಿಡಲಾಗಿದೆ.